Mattiu 16:17 - Tedim Bible Revision 2017

¹⁷ Tua ciangin Jesu in ama kiangah, “Jonahʼ tapa Simon aw, hoih mahmah hi. Hih thu, leitung pilna tawh na theih tawm hi lo a, vantungah a om ka Pa in nangma tungah hong hilh ahi hi.

Tedim Bible

¹⁷ Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Mattiu 16:17 Iomraidhean Croise

Isaiah 54:13

“Topa in na tapate khempeuh hoihtakin hilh dinga, na tapate daupai mahmah ding uh hi.

Luka 22:32

Ahi zongin, Simon aw, na upna na khahsuah loh nadingin nang adingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Johan 1:42

Tua ciangin Jesu kiangah a u Simon a paipih hi. Jesu in amah enin, “Nang pen Johanʼ tapa Simon na hi hi. Tu a kipanin Sifas hong kici ding hi,” a ci hi. Sifas pen Peter tawh a kibang hi a, suangtum a cihna ahi hi.

Johan 6:45

Kamsangte in a lai gelhna uh ah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

1 KORIN MASA 15:50

Sanggamte aw, note kiangah ka hong gen nop thu in: Pasianʼ Ukna sungah hih leitung si le sa pumpi lut thei lo dinga, a sia thei pumpi pen a sia thei lo pumpi suak thei lo ding hi.

Efesa 2:8

Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

Efesa 3:5

A beisa hunah tua thusim pen kuama tungah kigen lo a, ahi zongin Pasian in tu-in a siangtho a sawltakte le a kamsangte tungah Kha Siangtho a hilhsak hi.

Efesa 6:12

Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

1 PETER MASA 5:1

Keima pumpi mahmah zong pawlpi upa hi-in, Khris thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

1 JOHAN MASA 4:15

Jesu pen Pasianʼ Tapa hi, ci-in umin a sang mite, Pasian in ompih a, tua mite pen Pasian tawh a om khawm ahi uh hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.