Mattiu 16:12 - Tedim Bible Revision 2017

¹² Tua bangin thu a gen ciangin anlum a kisawh silngo thu a gen hi loin, Farisi-te le Saddusi-teʼ thuhilhna a gen ahih lam a phawk pan uh hi.

Tedim Bible

¹² Tua lai takin amaute in, Khomun leh silngo tang un, a ci kei hi; “Farisaite leh Saddusite’ thuhilhna na tang un,” a ci ahih lam a thei uh hi.

Mattiu 16:12 Iomraidhean Croise

Mattiu 16:11

Hih thu ka gen ciangin anlum thu a gen ka hih loh lam bangci-in phawk thei lo lawmlawm na hi uh hiam? Farisi-te le Saddusi-teʼ silngo hoihtakin kidawm un,” a ci hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasianʼ hehna panin na suahtak theih nading uh kua in hong hilh khol ahi hiam?

Mattiu 5:20

Tua ahih manin Pasianʼ deihna bangin gamtat nading thu ah Thukham hilh siate le Farisi mite sangin na cihtak zawk uh leh vantung ki-ukna sungah a om thei bek ding na hi uh hi.

Sawltak 23:8

(Bang hang hiam cih leh Saddusi mite in mi a sih khit ciangin hingkik nawn lo ding hi. Vantungmi ahi a, kha ahi zongin om lo hi, ci uh hi. Ahi zongin Farisi mite in hih thu thumte om hi, ci-in a um uh hi.)

1 KORIN MASA 5:6

Note lakah hih bang gamtatna om napi-in na kisaktheih uh dahhuai mahmah hi. Silngo them khat in annel lompi a pawmsak theih lamtak thei lo na hi uh hiam?