Mattiu 15:36 - Tedim Bible Revision 2017

³⁶ Anlum sagih le a ngasate la-in Pasian tungah lungdamna a koh khit ciangin balnenin a nungzuite tungah pia a, a nungzuite in mihonpite mai ah a lui uh hi.

Tedim Bible

³⁶ Tua ciangin, khomun pum sagih leh ngasa la a, hehpihna a phat khit ciangin khomun leh ngasa balnenin a nungzuite a pia hi.

Mattiu 15:36 Iomraidhean Croise

Mattiu 14:19

lopa tungah mihonte a tut nadingun a sawl hi. Tua ciangin anlum nga le ngasa tawn nih la-in vantung lam en to a, Pasian tungah a lungdamna a ko hi. Tua ciangin anlum balnenin a nungzuite pia a, a nungzuite in mihonte mai ah a lui uh hi.

Mattiu 15:35

Tua ciangin Jesu in leilak ah mihonte a tut nadingin a sawl hi.

Luka 22:17

Tua ciangin Jesu in a hai sang a, Pasianʼ tungah lungdamna a koh khit ciangin, “Hih hai hong sang unla, na vekpi-un na gual dawn un.

Luka 22:19

Tua ciangin anlum la-in Pasian tungah lungdamna a koh khit ciangin amaute tungah pia a, “Hih pen note adingin a hong kipia keima pumpi ahi hi. Keimah nong phawk nadingun na ne un,” a ci hi.

Luka 24:30

Amaute tawh an ne dingin a tut ciangin Jesu in anlum la a, Pasian tungah lungdamna a koh khit ciangin balnenin amaute a pia hi.

Johan 6:11

Jesu in anlum la-in Pasian tungah lungdamna a koh khit ciangin mihon a tute lakah a hawm hi. Tua mah bangin ngasa zong hih a, mi khempeuh in a duh zahzah uh a ne ciat uh hi.

Johan 6:23

Ahi zongin Tiberias khua panin gunkuang dang tampi hong pai a, Jesu in lungdamna a koh khit ciangin an a nekna uh munah hong tung uh hi.

Sawltak 27:35

Hih bangin thu a gen khit ciangin Paul in anlum la a, amaute khempeuh mai ah Pasian tungah a lungdamna ko-in a anlum balnenin ne dingin a kipan hi.

ROM (Romans) 14:6

Ni khatpeuh thupi diak hi, ci-in a tang mite in Topa a pahtawina-in a tang ahi uh hi. An khempeuh a ne mi in zong Pasianʼ tungah lungdamna ko-in ne uh ahih manin Topa a pahtawina mahin a ne uh ahi hi. Nek dingin kilawm lo hi, ci-in a ne lo mite in zong Pasian tungah lungdamna mah ko ahih manin Topa a pahtawina mahin a ne lo uh ahi hi.

1 KORIN MASA 10:31

Tua ahih manin keimah in ka hong gen nop thu in: Na hihna khempeuh uh, nekna dawnna ah ahi zongin Pasianʼ minthan nadingin na hih un.

1 KORIN MASA 14:16

Na lungsim bek tawh Pasian tungah lungdamna na koh ciangin kikhopna sungah a om midangte in bangci-in nangʼ thungetna, “Amen,” hong cih pih thei ding ahi hiam? Nangma thungette a theihtheih nading uh bangmah om lo hi.

1 SAMUEL MASA 9:13

Khuapi sung na lut phetun mual tunga biakna ah an ne dingin a pai ma-in amah na mu ding uh hi. Amah in biakpiakna thupha pia ding ahih manin ama pai mateng mite in an ne lo ding uh hi. Thupha a piak khit ciangin a kisam mite in ne thei pan uh hi. Tu-in pai to un; bang hang hiam cih leh amah na tuak pah ding uh hi,” a ci uh hi.