Mattiu 15:32 - Tedim Bible Revision 2017

³² Tua ciangin Jesu in a nungzuite sam a, “Kei kiangah hih mite ni thum bang hong om khin uh a, amaute in annek ding nei nawn lo uh ahih manin hehpihhuai ka sa hi. Lamkal ah cimawh kha ding uh ahih manin gil kialin ka ciahsak nuam kei hi,” a ci hi.

Tedim Bible

³² Tua lai takin Zeisu in a nungzuite sam a, “Hih mite hehpih huai ka sa hi. Bang hang hiam na cih uh leh, ni thum tawntung kei tawh a omkhawm uh a, an nek ding a nei kei uh hi. Lampi ah a gim ding uh, ka lunghihmawh manin, an ne loin ka paisak nuam kei hi,” a ci hi.

Mattiu 15:32 Iomraidhean Croise

2 KUMPI NIHNATE 4:42

Mi khat Baal-shalishah panin hong pai-in Pasianʼ mipa kiangah anpal-anlum, mangbuhham lum sawm nih le anvui a thak a van sungah hong pua hi. Tua ciangin Elisha in a nasem pa kiangah, “Amaute in a nek theih nadingun kamsangte tungah pia in,” a ci hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

Mattiu 14:13

Jesu in tua thu a zak ciangin tua mun panin kihem khia-in gamdaihna mun a zuan dingin gunkuang tawh a pai hi. Mite in ama pai khiatna thu a theih uh ciangin a khua ciat panun lei lam tawnin Jesu nung hong zui uh hi.

Mattiu 15:33

Nungzuite in, “Mihon hih zah i piak ding, hih gamlak ah koi panin an ngah ding ihi hiam?” a ci uh hi.

Mattiu 20:34

Jesu in amaute hehpihhuai sa ahih manin a mit uh lawnsak a, thakhat thu-in a mit un khua a mukik pah hi. Tua ciangin amau tegel in zong Jesu nung a zui pah uh hi.

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Mattiu 9:36

Mihonte a muh ciangin, a cing nei lo tuu hon bangin gimna ngahin lungkhamin om uh ahih manin hehpihhuai a sa hi.

Marka 9:22

A sih nadingin meikhuk sung le tui sungah tam veipi puksak zo hi. Na hih theih leh kote hong hehpih inla hong huh in,” ci-in a dawng hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Sawltak 27:33

Khua a vak kuan ciangin mite in an a nek nadingun Paul in hanthawn a, “An ne lo tui dawn loin lungkhamin na om zawh uh tu-in ni sawm le li a phak ni hi ta hi.

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.