Mattiu 15:3 - Tedim Bible Revision 2017

³ Jesu in, “Bang hangin note in na pupa ngeina uh zui-in, Pasianʼ thupiakna palsat zawsop na hi uh hiam?

Tedim Bible

³ Zeisu in, “Note in tanglai ngeina zui-in Pasian’ thukham bang hang palsat na hi uh hiam?

Mattiu 15:3 Iomraidhean Croise

Mattiu 15:2

“Bang hangin na nungzuite in tangtawng pek panin a hong kihilh suksuk i pupa ngeinate zui lo uh ahi hiam? Amaute in an a nek ma-un a ngeina ding bangin a khut uh sil masa lo uh hi,” a ci uh hi.

Mattiu 15:4

Pasian in, ‘Na nu le na pa na zahtak in,’ ci a, tua banah, ‘A nu ahi a, a pa ahi zongin a gensiate in thahna thuak ding hi,’ ci lai hi.

Marka 7:13

Hih bang danin mite thu na hilhna uh tawh Pasianʼ thu na pampaih uh hi. Hih bangzia-in na gamtatna uh a dang tampi zong om lai hi,” a ci hi.

Kolose 2:23

Hih bang gamtatnate pen a tungtham in i et ciangin limtakin biaknopna lungsim a piangsak ding, kiniamkhiatna a piangsak ding, pumpi ki-uk zawhna a piangsak ding tawh kibang hi. Ahi zongin a taktakin hihte khat beek in pumpi ki-uk zawhna piangsak zo lo hi.

Kolose 2:8

Khris thu tawh a kituak lopi-in, tangthu tuanthu ahi a, huihlak a ukteʼ thu siksanin ahi zongin, bangmahin a kimang lo leitung pilna tawh miteʼ khem sa-in sila na suahkhak loh nadingun kingaihsun un.

Titu 1:14

Jew miteʼ tangthu phuahtawmte ahi a, thuman a nial miteʼ thupiaknate ahi zongin a don nawn loh nadingun khauh takin taii-in na thuhilh in.