Mattiu 15:27 - Tedim Bible Revision 2017

²⁷ Nupi in, “Hi mah hi, Topa aw; a topa sabuai tung panin a kia annengte, ui khawite in zong ne buang hi lo ahi hiam?” a ci hi.

Tedim Bible

²⁷ numei in, “Ahi mah hi, Topa aw, uite in a topa sabuai panin anneng kiate a ne uh hi,” a ci hi.

Mattiu 15:27 Iomraidhean Croise

Piancilna 32:10

kei pen na itna kip khempeuh lak pan a neu pen le na nasem pa tunga nong lah sa na thumannate khempeuh tawh ka kilawm kei hi. Bang hang hiam cih leh ka ciangkhut guak tawh hih Jordan ka kantan a, ahi zongin tu-in pawl nih ka cing khinta hi.

Ezekiel 16:63

Na gamtatna sa khempeuh kong maisak khit ciangin na gamtatna sa khempeuh na phawkkik dinga, maizum lua-in cih nading mel thei loin na om ding hi, Topa Pasian in ci hi,” a hong ci hi.

Daniel 9:18

Pasian aw, kong thungetnate uh hong ngai inla hong za in. Hong en inla, koteʼ siatna le na min a pua khuapi a siatna hong mu in. Koteʼ gamtatna pha a suang hi loin nangma migitna suangin thu ka hong ngen uh hi.

Mattiu 15:26

Jesu in, “Tateʼ annek ding laksakin ui khawite piak ding kilawm lo hi,” ci-in a dawng hi.

Mattiu 15:28

Tua ciangin Jesu in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dam pah hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Mattiu 8:8

Ahi zongin galkap bupa in, “Topa aw, keima inn ah nang pipi nong pai dingin kilawm lo ka hih manin a dam nadingin thu pia lel lecin zong ka nasem pa dam ding hi.

Marka 7:28

Ahi zongin nupi in, “Hi mah hi, Topa aw; sabuai nuai-a uite in naupangteʼ khamval teng ngah buang hi lo ahi hiam?” a cih ciangin,

Luka 16:21

mihau paʼ sabuai tung panin a kia annengte ne nuamin a ngak hi. Tua bangin a om laitakin uite hong pai-in a meima hong liahliahsak uh hi.

Luka 18:13

Ahi zongin siahdongpa pen a gamla simah dinga, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

ROM (Romans) 10:12

Bang hang hiam cih leh Jew mi le Gentail mi a kideidanna om lo ahih manin Topa pen mi khempeuhʼ Topa hi kim a, ama kiangah a ngen khempeuh tungah thupha tampi tak a pia hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

ROM (Romans) 3:29

Pasian, Jew miteʼ Pasian bek hi a, Gentail miteʼ Pasian hi lo ahi hiam? Gentail miteʼ Pasian zong hi veve hi.

ROM (Romans) 3:4

Tua bang hi het lo hi. Lai Siangtho sungah, “Thu na gen peuhmah ciangin a man na genna thu mite in hong thei ding uh a, mite in nang hong mawhsakna na genkik ciangin na kiphel lah ding khat beek om lo ding hi,” ci-in a kigelh mah bangin mi khempeuh in zuau a gen zongin Pasian in thuman gen veve ding hi.

Efesa 3:19

Khris hong itna a kicing takin theih khit zawh loh ding ahi ta zongin note in thei-in, Pasian thu a cingin na theih nadingun thu ka hong ngetsak hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,