Mattiu 15:24 - Tedim Bible Revision 2017

²⁴ Jesu in, “Tuu bangin a mangthang Israel mite lak bekah kei hong kisawl hi,” ci-in a dawng hi.

Tedim Bible

²⁴ Zeisu in, “Israel pawl a mangthang tuute longal adang mipawlte kiangah kei hong sawl lo hi,” a ci hi.

Mattiu 15:24 Iomraidhean Croise

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi. Topa in eite khempeuhʼ mawhnate ama tungah a suan hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Ezekiel 34:23

Amaute a cing dingin ka nasem pa David ka koih dinga, amah in amaute hoihtakin an vakin a kem ding hi.

Mattiu 15:23

Ahi zongin Jesu in kam khat beek paupih lo hi. Tua ciangin a nungzuite in Jesu kiangah, “Hih nupi i nung zui-in kikoko ahih manin a ciah nadingin sawl in,” ci-in a thum uh hi.

Mattiu 18:11

Bang hang hiam cih leh Mihing Tapa pen a mangthang mite a hon dingin a hong pai ahi hi.

Mattiu 9:36

Mihonte a muh ciangin, a cing nei lo tuu hon bangin gimna ngahin lungkhamin om uh ahih manin hehpihhuai a sa hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

ROM (Romans) 15:8

Hih banga kong genna pen, Pasian thuman hi, ci-in a kilat nadingin pupite tungah Pasianʼ thuciamna a tungsak dingin, Jew mite hoih nading,