Mattiu 15:23 - Tedim Bible Revision 2017

²³ Ahi zongin Jesu in kam khat beek paupih lo hi. Tua ciangin a nungzuite in Jesu kiangah, “Hih nupi i nung zui-in kikoko ahih manin a ciah nadingin sawl in,” ci-in a thum uh hi.

Tedim Bible

²³ A nungzuite in a kiangah va nai uh a, “Tua numei na paikhiasak ta in. I nung hong zui-in hong kiko hi,” a ci uh hi.

Mattiu 15:23 Iomraidhean Croise

Piancilna 42:7

Josef in a sanggamte a muh ciangin thei a, ahih hangin amah in midang bangin bawlin amaute tungah khauh pau hi. “Koi pan a hong pai na hi uh hiam?” a ci hi. Amaute in, “An lei dingin Kanaan gam panin hong pai hi ung,” ci uh hi.

Late 28:1

Topa aw, awngin nang kong sam hi. Ka belh suangpi aw, keima thu ah hong bilngong kei in. Tua bangin kei tungah hong dai dide lecin, Leihawm sunga a pai sukte tawh a kibang ka suak ding hi.

Kah la 3:8

Hong huh un, ci-in ka kiko hangin ka kikona aw a pua lamah a kiza zo kei hi.

Mattiu 14:15

Ni a tum kuan ciangin nungzuite in Jesu kiangah, “Hih lai mun gamlak hi a, ni zong tum dektak ta hi. Hih kiimnai-a om khuate ah mite va pai-in a an ding uh a lei nadingun sawl khia in,” a ci uh hi.

Mattiu 15:22

Tua gamah a teeng Kanaan nupi khat hong pai-in hong kiko a, “Davidʼ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Mattiu 15:24

Jesu in, “Tuu bangin a mangthang Israel mite lak bekah kei hong kisawl hi,” ci-in a dawng hi.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uh ah bang om hiam cih a theih nadingin Topa na Pasian un sehnel gamah hih kum sawm li sung note hong paipihna lampi khempeuh na ciamteh ding uh hi.