Mattiu 15:16 - Tedim Bible Revision 2017

¹⁶ Jesu in, “Note nangawn in thei lo a, tel lo na hi uh hiam?

Tedim Bible

¹⁶ Zeisu in, “Note in zong lungpilna nei nai lo na hi uh hiam?

Mattiu 15:16 Iomraidhean Croise

Mattiu 13:51

“Hih ka thugente khempeuh a khiatna na thei uh hiam?” ci-in Jesu in a dot ciangin amaute in, “Ka thei uh hi,” ci-in a dawng uh hi.

Mattiu 15:10

Tua ciangin Jesu in ama kiangah mihonte sam a, “Ka thugen na ngai unla, hoihtakin na thei tel un.

Mattiu 15:15

Ahi zongin Peter in Jesu kiangah, “Hih thu gentehna a khiatna kote hong hilh in,” a ci hi.

Mattiu 15:17

Kam sungah a tum sukte pen gil sung tawnin tua panin paikhia suak hi lo ahi hiam?

Mattiu 16:11

Hih thu ka gen ciangin anlum thu a gen ka hih loh lam bangci-in phawk thei lo lawmlawm na hi uh hiam? Farisi-te le Saddusi-teʼ silngo hoihtakin kidawm un,” a ci hi.

Mattiu 16:9

Tu ciang dong phawk thei nai lo lai na hi uh hiam? Anlum nga tawh mi tul nga a kivak khit ciangin paipel bangzah dim val lai cih thu phawk nawn lo na hi uh hiam?

Marka 6:52

Bang hang hiam cih leh lungsim navak lo uh ahih manin anlum tawh kisai thupiang tel thei lo uh hi.

Marka 7:18

Jesu in, “Note in zong bangmah a thei lo hi mawk hi lo na hi uh hiam? A pualam panin mite sungah a tum nate in mi ninsak thei lo hi.

Marka 9:32

A nungzuite in hih ama thuhilhna thei lo uh a, ahi zongin amah dong ngam lo uh hi.

Luka 18:34

Ahi zongin nungzuite in hih ama thugente tel zo lo uh hi. Amauteʼ tel zawh loh dingin kihem gen ahih manin, Jesuʼ gente bang a cihnopna ahi hiam, ci-in a thei kei uh hi.

Luka 24:45

Tua ciangin Lai Siangtho sung thu a theih nadingun a lungsim uh honsak a,

Luka 9:45

Ahi zongin amaute in a cihnopna thei lo uh hi. Amaute in a theih tel loh nading mahun a kibawl hi a, bang a cihnopna hiam, ci-in Jesu kiangah lah a dong ngam kei uh hi.

Hebru 5:12

Tu-in note pen midang a hilh dingin sia na suah theih ding uh hun hi khin napi-in note mahmah pen Pasianʼ thu a bulpite hilh ding na kisam lai uh hi. Antak ne thei nai loin nawi bek a ne thei lai na hi uh hi.