Mattiu 14:36 - Tedim Bible Revision 2017

³⁶ Ama puan mongteep beek a lawnkhak theih nadingun Jesu kiangah ngen uh a, a puan mongteep a lawng mi khempeuh in damna a ngah uh hi.

Tedim Bible

³⁶ Cinate in Zeisu’ puan mongteep a lawn’ nadingun a ngen uh hi. A lawng khempeuhte in cidamna a ngah uh hi.

Mattiu 14:36 Iomraidhean Croise

Mattiu 14:35

Tua gam mite in Jesu ahih lam a theih uh ciangin tua gam kiim khempeuh ah thu zasak uh a, cina khempeuh Jesu kiangah a hong paipih uh hi.

Mattiu 23:5

Amaute in a sepna khempeuh uh miteʼ muh theih dingin a hih se uh hi. Amaute in a talsuan le a banbulhte uh a gol pipi-in bawlin, a puan mongteep uh a sau theithei-in a bawl uh hi.

Marka 3:10

Amah in cina mi tampi damsak khin ahih manin, Jesu a lawn theih nadingun cina khempeuh in amah hong naih ciat uh hi.

Marka 6:56

Khuapi, khua neu le khua kete a a paina khempeuh ah, mite in mihon kikhopna munah cinate hong pua uh a, a puan mongteep beek a lawnsak nading deihin Jesu kiangah a thum uh hi. A puan mongteep a lawng kha mi khempeuh cidam pahpah uh hi.

Marka 8:22

Tua ciangin Bethsaida khua tung uh hi. Mi pawl khat in Jesu kiangah mittaw khat hong paipih uh a, amah a lawn nadingun a thum uh hi.

Luka 6:19

Jesuʼ tung panin vangliatna pai khia-in mi khempeuh damsak ahih manin mi khempeuh in amah lawn ding a hanciam uh hi.

Johan 6:37

Ka Pa in kei tungah a hong piak mi peuhmah ka kiangah hong pai dinga, ka kiangah a hong pai mi peuhmah ka hawl khia kei ding hi.

Johan 7:23

Moses thupiakna a kipelh loh nadingin Sabbath ni-in vun at na hih uh leh Sabbath ni-in mi khat ka damsak manin bang hangin kei tungah heh na hi uh hiam?

Sawltak 3:16

Hih Jesu minʼ vangliatna in hih khebai mipa tungah thahatna a pia ahi hi. Note khempeuh in na theih uh mah bangin hih mipa bangzah takin khebai ahih hangin Jesu upna le ama min hangin hih mipa in dam sianthona a ngah ahi hi.