Mattiu 14:23 - Tedim Bible Revision 2017

²³ Mihonte a ciah khit ciangin thungen dingin mual tung lamah a pai to hi. Khuamial ciangin Jesu guak bek gamlak ah om a,

Tedim Bible

²³ Zeisu in mihonpite a paikhiatsak khit ciangin, thu ngen dingin mual tungah amah guak kahto a, nitak dongin a va om hi.

Mattiu 14:23 Iomraidhean Croise

Mattiu 26:36

Tua ciangin Jesu a nungzuite tawh Gethsemane a kici munah pai-in amaute kiangah, “Hua lamah pai-in thu ka va nget kal sungteng hih lai ah na om un,” a ci hi.

Mattiu 6:6

Ahi zongin thu na nget uh ciangin na inn sung uh ah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un noteʼ tungah thaman hong pia ding hi.

Marka 1:35

A zing ciang phalvak ma-in Jesu tho-in gamdaihna mun khat ah na pai-in thu a ngen hi.

Marka 6:46

Amaute tawh a kikhen khit ciangin thungen dingin mual tungah a kah to hi.

Luka 3:21

Mi khempeuh a kituiphum khit uh ciangin Jesu zong a kituiphum hi. Jesu in thu a nget laitakin vantung kihong a,

Luka 5:16

Ahi zongin gamdaihna munah Jesu pai khia-in thu a ngen hi.

Luka 6:12

Ni khat, thungen dingin mual tungah Jesu pai a, zan tawntung Pasian kiangah thu ngenin a om hi.

Luka 9:18

Khat vei, Jesu guak thungenin a om laitakin a nungzuite zong ama kiangah om uh hi. Jesu in a nungzuite kiangah, “Mite in kei kua hi, hong ci uh ahi hiam?” ci-in a dong hi.

Luka 9:28

Hih thu a gen khit nipikal khat bang khit ciangin Jesu in Peter, Johan le James te sam a, mual tungah thungen dingin a paipih to hi.

Sawltak 6:4

Tua hileh kote in ka hun khempeuh uh thungetna le thuhilhna-in kong zang thei ding uh hi,” a ci uh hi.