Mattiu 14:19 - Tedim Bible Revision 2017

¹⁹ lopa tungah mihonte a tut nadingun a sawl hi. Tua ciangin anlum nga le ngasa tawn nih la-in vantung lam en to a, Pasian tungah a lungdamna a ko hi. Tua ciangin anlum balnenin a nungzuite pia a, a nungzuite in mihonte mai ah a lui uh hi.

Tedim Bible

¹⁹ Tua ciangin, “Mihonte lopa tungah tusak un,” a cih khit ciangin Zeisu in khomun nga leh ngasa tawn nih la a, vantung lam ento-in hehpihna a phat khit ciangin, khomun leh ngasa balnenin a nungzuite a pia hi. A nungzuite in zong mihonte a lui uh hi.

Mattiu 14:19 Iomraidhean Croise

Mattiu 14:18

Jesu in, “Tuate hong paipih un,” ci-in a sawl khit ciangin,

Marka 6:39

Tua ciangin Jesu in, “Mihonte a pawl a pawlin khen unla, lopa hing tungah tusak un,” a ci hi.

Marka 6:41

Tua ciangin Jesu in a anlum nga le a ngasa tawn nihte la a, vantung lam en to-in Pasian tungah lungdamna a ko hi. A anlumte balnen a, mite tungah a piak dingin nungzuite a pia hi. Tua mah bangin ngasa tawn nihte zong amaute khempeuh a hawmsak hi.

Marka 7:34

vantung lam en to a, khuisa-in, “Kihong in,” a cihnopna ahi “Effatha” a ci hi.

Luka 22:17

Tua ciangin Jesu in a hai sang a, Pasianʼ tungah lungdamna a koh khit ciangin, “Hih hai hong sang unla, na vekpi-un na gual dawn un.

Luka 22:19

Tua ciangin anlum la-in Pasian tungah lungdamna a koh khit ciangin amaute tungah pia a, “Hih pen note adingin a hong kipia keima pumpi ahi hi. Keimah nong phawk nadingun na ne un,” a ci hi.

Luka 24:30

Amaute tawh an ne dingin a tut ciangin Jesu in anlum la a, Pasian tungah lungdamna a koh khit ciangin balnenin amaute a pia hi.

Luka 9:14

Tua lai ah mi tul nga bang a om hi. Tua ciangin Jesu in a nungzuite kiangah, “Mite sawm nga, sawm nga-in a pawlpawlin tusak un,” ci-in a sawl hi.

Luka 9:16

Tua ciangin Jesu in anlum nga le ngasa tawn nih la-in vantung lam nga a, Pasian tungah lungdamna ko-in balnen a, mite tungah a lui dingin a nungzuite tungah a pia hi.

Johan 11:41

Tua ahih manin a suangtum a lik khia uh hi. Jesu zong van lam dak to-in, “Pa aw, ka thungetna hong ngai na hih manin ka nuam mahmah hi.

Johan 6:23

Ahi zongin Tiberias khua panin gunkuang dang tampi hong pai a, Jesu in lungdamna a koh khit ciangin an a nekna uh munah hong tung uh hi.

Sawltak 27:35

Hih bangin thu a gen khit ciangin Paul in anlum la a, amaute khempeuh mai ah Pasian tungah a lungdamna ko-in a anlum balnenin ne dingin a kipan hi.

ROM (Romans) 14:6

Ni khatpeuh thupi diak hi, ci-in a tang mite in Topa a pahtawina-in a tang ahi uh hi. An khempeuh a ne mi in zong Pasianʼ tungah lungdamna ko-in ne uh ahih manin Topa a pahtawina mahin a ne uh ahi hi. Nek dingin kilawm lo hi, ci-in a ne lo mite in zong Pasian tungah lungdamna mah ko ahih manin Topa a pahtawina mahin a ne lo uh ahi hi.

1 KORIN MASA 10:16

Nekkhawm bawlna ah leenggahzu hangin Pasian tungah lungdamna ko-in i dawn ciangin Khris sisan hangin thuphate eite in zong a ngahkhawm cihna hi lo ahi hiam? I balnen anlum i nek ciangin zong Khris pumpi hangin thuphate mah a ngahkhawm cihna hi lo ahi hiam?

1 KORIN MASA 10:31

Tua ahih manin keimah in ka hong gen nop thu in: Na hihna khempeuh uh, nekna dawnna ah ahi zongin Pasianʼ minthan nadingin na hih un.

1 KORIN MASA 11:24

Pasian tungah lungdam a koh khit ciangin balnen a, “Hih pen note adingin a hong kipia keima pumpi ahi hi. Kei na hong phawk nadingun na ne un,” ci hi.

Kolose 3:17

Na kampauna, na gamtatnate khempeuh uh ah, Topa Jesu hangin Pa Pasian tungah lungdam kohna-in Jesu min paulamin na hih ding uh hi.

1 SAMUEL MASA 9:13

Khuapi sung na lut phetun mual tunga biakna ah an ne dingin a pai ma-in amah na mu ding uh hi. Amah in biakpiakna thupha pia ding ahih manin ama pai mateng mite in an ne lo ding uh hi. Thupha a piak khit ciangin a kisam mite in ne thei pan uh hi. Tu-in pai to un; bang hang hiam cih leh amah na tuak pah ding uh hi,” a ci uh hi.