Mattiu 14:11 - Tedim Bible Revision 2017

¹¹ Kuangdai khat tawh tua a lutang hong kipaipihin numei kiangah kipia a, tua numei in a nu kiangah a paipih hi.

Tedim Bible

¹¹ A lutang dalkuang sungah koih a, tua numeino a piak leh, numeino in a nu kiangah a paipih hi.

Mattiu 14:11 Iomraidhean Croise

Piancilna 49:7

Amauʼ sinsona lauhuai a, amauʼ hehna kihtakhuai hi. Samsiatna ngah ta uh hen! Jakob suante sungah amaute ka khenthang dinga, Israel sungah amaute ka thehthang ding hi.

Paunak 27:4

Hehna le sinsona siahuai a, ahi zongin hazatna siahuai zaw lai hi.

Paunak 29:10

Mi a that nuamte in a thuman mi mudah a, midikte in a thuman mi hu uh hi.

Jeremiah 22:17

Ahih hangin note in thuman lo tawh ngah nading ahi zongin, mimawh loteʼ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Ezekiel 35:6

Tua ahih ciangin kei pen a nungta Topa Pasian ka hih takpi mah bangin, nangma sih nading ka bawl dinga, na si takpi ding hi. Nangmah in mi sisak na hih manin nangma tungah sihna hong tung ding hi.

Mattiu 14:10

Tua ahih manin mi sawlin thong ah Johanʼ lutang a tansak hi.

Mattiu 14:12

Tua ciangin Johanʼ nungzuite hong pai uh a, a luang la-in a vui khit uh ciangin Jesu kiangah hih thu a ko uh hi.

Mattiu 14:8

Tua numei in zong a nuʼ ngaihsut piakna zui-in, “Kuangdai khat sungah Tuiphumpa Johanʼ lutang, hih lai mahmah ah hong pia in,” ci-in a ngen hi.

Mangmuhna 16:6

Amaute in mi siangthote le kamsangteʼ sisan luangsak uh ahih manin tu-in amauteʼ dawn dingin sisan a pia na hi hi. Hih pen amauteʼ ngah dingin a kilawm ahi hi,” a cihna thu ka za hi.

Mangmuhna 17:6

Tua ciangin mi siangthote le Jesu tungah a cihtak uh manin a kithat miteʼ sisan dawnin zukham a batna ka mu hi. Tua numei ka muh ciangin lamdang ka sa mahmah hi.