Mattiu 14:10 - Tedim Bible Revision 2017

¹⁰ Tua ahih manin mi sawlin thong ah Johanʼ lutang a tansak hi.

Tedim Bible

¹⁰ mi khat sawl a, thong sungah Johan’ ngawng a tan sak hi.

Mattiu 14:10 Iomraidhean Croise

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasianʼ kamtaite zahpihin, a thute simmawhin, a kamsangte thusim lo niloh uh hi.

Jeremiah 2:30

Na tate uh thuhilhin ka sat hangin a mawkna suak zo ta hi. Amaute kibawl pha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Mattiu 14:11

Kuangdai khat tawh tua a lutang hong kipaipihin numei kiangah kipia a, tua numei in a nu kiangah a paipih hi.

Mattiu 14:9

Kumpipa dah mahmah hi. Ahi zongin a kiciamnasa ahihna hang le a leenglateʼ maitang a zahtakna hangin a ngetna a kipiak nadingin thu a pia hi.

Mattiu 17:12

Ahi zongin note kiangah kong genin ah: Elijah hong pai khin napi-in mite in amah thei lo uh ahih manin a ututun a bawl uh hi. Tua mah bangin Mihing Tapa in zong bawlsiatna thuak ding hi,” ci-in a dawng hi.

Marka 9:13

Ahi zongin keʼn kong cih in ah, Elijah hong pai khin takpi a, Lai Siangtho in ama thu a gen sa mah bangin mi pawl khatte in a ututun amah a bawl uh hi,” ci-in a dawng hi.

Luka 9:9

Herod in, “Johan a ngawng ka tansak khit sa ahi hi; hih a thu ka zak mipa kua hi ding ahi hiam?” a ci hi. Tua ahih manin Jesu tawh kimuh ding a hanciam hi.

Mangmuhna 11:7

Amaute in Pasianʼ thu genin a teci panna a zawh khit uh ciangin kuahawm thukpi sung panin a hong paikhia ganhing in tua teci pangte simin zo gawpin that dinga,