Mattiu 13:8 - Tedim Bible Revision 2017

⁸ Ahi zongin pawl khatte, lei hoihna mun tu-in hong khang hi. Pawl khatte in a zah za khat, pawl khatte in a zah sawm guk, a dangte in a zah sawm thum a gah hi,” ci-in a gen khit ciangin,

Tedim Bible

⁸ Kimkhatte in lei hoihna-ah kia a, a zah zakhat, a zah sawmguk, a zah sawmthumin a gah hi.

Mattiu 13:8 Iomraidhean Croise

Piancilna 26:12

Isaac in tua leitang ah khai tuh a, tua kum mahin a zah za khat la hi. Topa in amah thupha pia a,

Mattiu 13:23

Lei hoihna munah a tu khaicite pen Pasianʼ thu a zak ciangin a tel mite a cihnopna ahi hi. Tua bang mite adingin Pasianʼ thu in man nei a, pawl khatte adingin a zah za khat, pawl khatte adingin a zah sawm guk, pawl khatte adingin a zah sawm thumin Pasianʼ thu in man a nei hi,” a ci hi.

Mattiu 13:7

Pawl khatte, lingbulsum a omna mun leilak tu a, lingbulsumte hong selin hong khang ahih manin ankungte a dep gawp hi.

Marka 4:20

Ahi zongin midangte ahihleh khaici pawl khat a tukna mun leihoih tawh kibang uh hi. Amaute in Pasianʼ thu za-in sang uh a, pawl khatte adingin a zah sawm thum, pawl khatte adingin a zah sawm guk, pawl khatte adingin a zah za khatin man a nei hi,” a ci hi.

Marka 4:8

A dangte ahihleh lei hoihna mun tu ahih manin hong po-in khang a, a zah sawm thum, a zah sawm guk, a zah za khat dongin an hong piang hi,” a ci hi.

Luka 8:15

Leihoih a tukna munte pen Pasianʼ thu a zak ciangin lungsim tak tawh a thu mangin kip tawntung uh ahih manin amau adingin man a neite a cihnopna ahi hi,” a ci hi.

Luka 8:8

Pawl khatte, lei hoihna lak tu-in khang a, a zah za khat ciang dong a piang hi,” a ci hi. Tua ciangin Jesu nakpi takin kiko a, “Zak nading bil a neite in hih thu za ta un,” ci-in a thugen a khum hi.

Johan 15:8

Gah tampi gah le-uhcin ka Paʼ minthanna a kilangsak na hi ding uh a, keima nungzui na hihna uh kilang ding hi.

ROM (Romans) 7:18

Ka leitung pumpi sungah a hoih na khat beek om lo hi, ci-in ka thei hi. Ka sungah a hoih gamtat nopna lungsim a om hangin ka hih zo kei hi.

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.