Mattiu 13:54 - Tedim Bible Revision 2017

⁵⁴ ama khua ah pai a, kikhopna inn sungah thu a hilh hi. Ama thugen a za mite in lamdang sa mahmah uh a, “Hih mipa in hih bang pilna koi lai panin ngah a, bang hangin hih bang nalamdangte bawl thei ahi hiam?

Tedim Bible

⁵⁴ Ama khua-ah a tun’ ciangin, kikhopna inn sungah thu hilh hi. Khuapihte in lamdang a sa uh hi. “Hihpa in hih bang pilna leh vangliatna koi pan a ngah hiam?

Mattiu 13:54 Iomraidhean Croise

Late 22:22

Ka u ka naute tungah nangma min ka gen dinga, mihon kikhopna laizang ah nangmah kong phat ding hi.

Mattiu 2:23

Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 7:28

Jesu in hih a thugente a man khit ciangin, ama thugenna hangin mihonpite in lamdang sa mahmah uh hi.

Luka 2:47

Amah in pilna tawh thu genin a dawnna a za mite khempeuh in lamdang sa mahmah uh hi.

Johan 1:11

A khua le a tui ah va pai a, ahi zongin a khuapih a tuipihte in ama thugen na ngai lo uh hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Sawltak 4:13

Uliante in Peter le Johan a han mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesu tawh a kikhawl khin ngeite ahihna uh a phawk uh hi.

1 SAMUEL MASA 10:11

Tua ciangin kamsangte tawh a gamtat khawmna, amah a thei sa mi khempeuhte in a muh uh ciangin khatlekhat in, “Kishʼ tapaʼ tungah bang tung ahi hiam? Saul zong kamsang suak ahi hiam?” kici uh hi.