Mattiu 13:41 - Tedim Bible Revision 2017

⁴¹ Mihing Tapa in a vantung mite hong sawl dinga, ama ukna sungah a om migilote le mi a mawh nadingin a bawl mi khempeuh kaikhawmin

Tedim Bible

⁴¹ Mihing Tapa in ama vantungmite sawl ding a, a khialte leh a puksakte khempeuh a Gam sung pan nilkhia-in,

Mattiu 13:41 Iomraidhean Croise

2 SAMUEL NIHNA 23:6

Ahih hangin migilote ahihleh a kilawn khia lingkungte tawh kibang hi. Bang hang hiam cih leh khut guak tawh amaute kilawng ngam lo a,

Zefaniah 1:3

Mihing le ganhing, van a leeng vasa le tui sunga ngasa, a vekpi-in ka susia ding hi. Migilote ka susia dinga, leitung a om mihing khempeuh ka susia ding hi. Topa ahi keimah in hih thu ka gen khin hi.

Mattiu 13:49

Leitung hun bei ciangin zong tua bangmah hi ding hi. Vantung mite hong pai-in mihoihte lak panin migilote la khia-in,

Mattiu 18:7

“Tua bangin mi a khialsak thei ding om ahih manin leitung mite adingin a dahhuai mahmah thu ahi hi. Tua bang pen a piang tawntung ding hi a, ahi zongin tua bangin khialhna a piangsak mite adingin dahhuai pha mahmah diak hi.

Mattiu 24:31

Nakpi takin peengkul hong ging dinga, leitung mun khempeuh ah a vantung mite hong paisakin, leimong khat pan mong khat dongin, a teel sa mite a kaikhawmsak ding hi.

Mattiu 3:12

Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Marka 13:27

Tua ciangin leitung mun khempeuh ah vantung mite sawl dinga, leimong khat pan mong khat kikalah a om a teel mite khempeuh a kaikhawmsak ding hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesu Khris thu a khensak Ni ciangin, tu-a kong gen bang teekteekin a hong piang ding ahi hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lut thei ding uh hi.