Mattiu 13:24 - Tedim Bible Revision 2017

²⁴ Tua ciangin Jesu in thu gentehna dang khat gen a, “Vantung ki-ukna pen bang tawh kibang hiam cih leh: A lo ah taang ci hoih a vawhpa tawh kibang hi.

Tedim Bible

²⁴ Thugentehna khat in, “Vantung Gam in khaici hoih a vawh mi tawh kibang hi.

Mattiu 13:24 Iomraidhean Croise

Isaiah 28:10

Bang hang hiam cih leh mal khat khit mal khat, gual khat khit gual khat, thu khat khit thu khat, cih bang hi lel hi,” hong ci uh hi.

Isaiah 28:13

Tua ahih ciangin Topa in note tungah, mal khat khit mal khat, gual khat khit gual khat, thu khat khit thu khat, cih bangin hong hilh ding ahi hi. Tua ciangin na kalsuanna khempeuh uh ah na puk ding uh a, note liamin, thang ah awkin, salin hong kipaipih ding hi.

Ezekiel 17:2

“Mihing ahi Ezekiel aw, Israel mite kiangah thu gentehna khat gen inla,

Mattiu 13:19

Mi pawl khat in Pasianʼ hong ukna tawh kisai a lungdamhuai thu za napi-in a thu thei tel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lo lai lampi dung a tu khaicite tawh kibang hi.

Mattiu 13:25

Ahi zongin zan khat, mite a ihmut kalun galte khat hong pai-in taang lakah tahum tang vawhin a paikhia hi.

Mattiu 13:31

Tua ciangin Jesu in thu gentehna dang khat gen leuleu a, “Vantung ki-ukna pen bang tawh kibang hiam cih leh, mi khat in a lo sungah a vawh ankam tang tawh kibang hi.

Mattiu 13:33

Tua ciangin thu gentehna khat mah gen leuleu a, “Vantung ki-ukna pen bang tawh kibang hiam cih leh, nupi khat in annel seu thum dim meek manin silngo sawh a, a vekpi-in silngo in zelin a pawmsak tawh kibang hi,” a ci hi.

Mattiu 13:37

Jesu in, “Taang ci hoih a vawhpa pen Mihing Tapa ahi hi.

Mattiu 13:47

“Vantung ki-ukna pen tui sungah kipaai-in ngasa namkim a awkna ngen tawh zong kibang hi.

Mattiu 18:23

Bang hang hiam cih leh vantung ki-ukna zia pen a nasemte in sum bangzah a ba hiam, ci-in a sazian a en kumpipaʼ hihna zia tawh kibang hi.

Mattiu 20:1

“Bang hang hiam cih leh vantung ki-ukna sung om zia pen a leenggah lo ah na a sem ding a cial dingin zing tungin a kuan khia leenggah lo nei pa tawh kibang hi.

Mattiu 21:33

“Thu gentehna dang khat na ngai lai un. Mi khat in lo zuanin leenggui suan a, a kimkot umin, leenggah cil nading bawl a, a hon nading tausang khat a lam khit ciangin lo khawhlawhte khawhlawhsakin gam dangah a pai hi.

Mattiu 22:2

“Vantung ki-ukna zia pen a tapa adingin mopawi a bawl kumpipaʼ gamtatzia tawh kibang hi.

Mattiu 25:1

“Tua hun ciangin vantung ki-ukna zia pen zi nei thak pa a uap dingin a meivak uh tawh a pai nungak sawmte tawh kibang ding hi.

Mattiu 3:2

“Vantung ki-ukna hun hong nai ta ahih manin na mawhnate uh kisikkik un,” a ci hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Luka 13:18

Tua ciangin Jesu in, “Pasianʼ Ukna bang tawh kibang a, bang tawh genteh ding ka hi hiam cih leh:

Luka 13:20

Tua ciangin Jesu in, “Pasianʼ Ukna bang tawh genteh leuleu ding ka hi hiam cih leh:

Kolose 1:5

Thu dang na zak ma un, lungdamna thuman taktak na zak uh ciangin lametna na nei uh hi. Note adingin vantungah a hong kikoihsak tua lametna hangin note in muanna le itna a nei na hi uh hi.

1 PETER MASA 1:23

A si thei nu le pate sung pan hi loin a si thei lo nu le pate sung panin a nungta tawntung Pasianʼ thu tawh naungek bangin a suakkik na hi uh hi.