Mattiu 13:21 - Tedim Bible Revision 2017

²¹ Ahi zongin amaute sungah thuktum zo lo ahih manin tawl khat sung bek um uh hi. Tua ahih manin Pasianʼ thu hangin haksatna ahi a, bawlsiatna ahi zongin khat peuhpeuh a tun ciangin tawpkik pah uh hi.

Tedim Bible

²¹ A thu hangah gimna ahi zongin, bawlsiatna ahi zongin a thuak ciangin, thakhatin a pukte ahi hi.

Mattiu 13:21 Iomraidhean Croise

JOB (Job) 19:28

Bang hang hiam cih leh, ‘Amah bangci gimsak thei ding ihi hiam?’ na ci uh hi. Kei nong suktheih nadingun paulap khatpeuh na zong uh hi.

Late 36:3

Ama kammalte pen siatna le khemna vive hi a, pil gamtatna le hoih gamtatna bei khinta hi.

Paunak 12:12

Migiloteʼ belh mun muanhuai pen lei khal bangin kitamzan a, mihoihteʼ zung kip tawntung hi.

Paunak 12:3

Gitlohna in lungmuanna piangsak lo a, thuman mite lungmuang takin om uh hi.

Hosea 6:4

Israel le Judah aw, note bang hong cih thei nawn ding ka hi hiam? Noteʼ hong itna pen zingsang meii lum bangin theng pak a, a mangthang pak daitui tawh kibang lel hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.

Mattiu 13:20

Suang kitawphah leilak a tu khaicite pen Pasianʼ thu a zak ciangun lungdam takin a sangpahte a cihnopna ahi hi.

Mattiu 13:57

Tua ahih manin amah a sang zo kei uh hi. Tua ciangin Jesu in amaute kiangah, “Kamsang khat pen, ama khua, ama behte le ama inn sung longal ah kizahtakin pahtawina a ngah hi,” a ci hi.

Mattiu 13:6

Ahi zongin ni hong sat ciangin ankungte in zung thuk kha zo lo uh ahih manin tua ankungnote vulin a keu hi.

Mattiu 24:13

Ahi zongin a bei dongin a thuak zote in hotkhiatna ngah ding uh hi.

Mattiu 26:31

Tua ciangin Jesu in amaute kiangah, “Lai Siangtho sungah, ‘Tuucingpa ka sat lum dinga, a tuute kithehthang ding hi,’ ci-in a kigelh mah bangin note khempeuh in tu nitakin kei na hong taisan mang khin ding uh hi.

Mattiu 26:33

Peter in, “A dang khempeuh in hong taisan zongin keʼn kong nusia ngei kei ding hi,” a ci hi.

Marka 4:17

Ahi zongin amaute sungah thuktum lo ahih manin sau veipi kip lo hi. Tua thu hangin lungkhamna ahi a, bawlsiatna ahi zongin a tun ciangin a puk pah uh hi.

Luka 8:13

Suang kitawphah leilak a tukna munte pen Pasianʼ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawl khat sung bek um uh a, ze-etna hun a tun ciangin a puk uh hi.

Johan 6:26

Jesu in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na kham takun na nek uh manin a hong zong na hi bek uh hi.

ROM (Romans) 2:7

Pahtakna, minthanna le hin tawntungna deihin a gamtat hoih tawntung mite tungah Pasian in nuntak tawntungna pia dinga,

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Galati 6:12

Note in na vun uh na at nadingun a hong hah bawl mite in mihoih ahihna uh kilangsak nuamin, a kimu thei nate a kisialh pih mite ahi uh hi. Singlamteh tungah Khris a sihna thu hangin amaute in bawlsiatna a ngah loh nadingun a tua ci gamtat ahi uh hi.

Galati 6:15

Vun ki-atna le ki-at lohna a thupi om tuan lo a, mi thak nam pawl hih ding bek a thupi ahi hi.

Efesa 3:17

na upna hangun note lungsim sungah Khris hong teengin, itna thu ah zung thuk kha-in bulkip na neih nadingun thu ka ngen hi.

Filippi 1:6

Note sungah hih nasep hoih a hong pan khia Pasian in Jesu Khris hong paikik hun ciang dong, mi cingtaak na hih nadingun hong huh ding hi, ci-in teltakin ka thei hi.

2 TIMOTI NIHNA 1:15

Na theih sa bangin Asia gam sunga om mi khempeuh in kei hong nusia uh a, tuate lakah Figelas le Hermogenes te zong kihel uh hi.

2 TIMOTI NIHNA 4:10

Demas in hih leitung thu kin zaw ahih manin kei hong nusia-in Thesalonika khua ah a pai hi. Kresen, Galatia gamah pai a, Titus, Dalmatia gamah pai hi.

Jeim 3:2

Eite khempeuh a khial thei zelzelte vive ihi hi. Kampauna ah a khial ngei lo mi a om leh a cingtaak mahmah hi a, a pumpi zong a uk zo mi ahi hi.

1 PETER MASA 1:5

Noteʼ upna hangin nitawp ni ciangin na ngah ding uh hotkhiatna nomau-aʼ ahihna a kilatsak nadingin Pasian in ama vangliatna tawh a hong kepsak ahi hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satanʼ omna munah a kithah hun laitak nangawnin kei na hong upna uh na khahsuah kei uh hi.