Mattiu 13:15 - Tedim Bible Revision 2017

¹⁵ Hih miteʼ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel dinga, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Tedim Bible

¹⁵ Bang hang hiam na cih uh leh, hih mipawlte in a mit un khua mu lo, A bil un khua za lo, A lungsim un thei lo, A gamtatna uh kikhel lo, Amau cinatna uh ka damsak loh nadingin, Amau lungsim uh khauh a, A bil uh ngong a, A mit uh a si uh hi,’ a ci hi.

Mattiu 13:15 Iomraidhean Croise

Late 119:70

Amauteʼ lungsim in thu theithei loin khikcip a, ahih hangin keimah in nangma thu sung nuam ka sa hi.

Paunak 16:30

A mit hong sitsante thusia a ngaihsun hi a, a neh hong piksante thusia geel ahi hi.

Isaiah 44:20

Amah pen vut a nete tawh kibang lel hi. A lungsim haina in amah lam pialpih khin a, amah le amah kihon khia thei loin, “Ka khut sungah ka tawi milim pen a zumhuai hi lo ahi hiam?” cih zong phawk thei lo hi.

Isaiah 57:18

“Amauʼ mawh gamtatnate a vekin ka mu khin a, ahih hangin amaute ka damsak ding hi. Amaute makaihin ka hehnem dinga, a dah a kapte hehnemin ka lungdamsak ding hi.

Isaiah 6:10

Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theih tel loh nading, amaute kihei-in damna a ngah loh nadingun hih miteʼ lungsim mawlsak inla, amauʼ bil uh ngongsak inla, a mit uh va sisak in,” hong ci hi.

Jeremiah 17:14

Topa aw, hong damsak lecin ka natna teng bei dinga, hong hon khia lecin kei ka suakta ding hi. Bang hang hiam cih leh nang pen ka hong phat pa na hi hi.

Jeremiah 17:9

“Na khempeuh lakah lungsim a khem hat pen hi a, a kisia pha mahmah ahi hi. Kua in lungsim thei zo ding ahi hiam?

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa koteʼ Pasian na hi hi.

Jeremiah 33:6

Ahih hangin tu-in, keimah in hih khuapi ka damsak dinga, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Hosea 14:4

Tua ciangin Topa in, “Ka mite tungah heh nawn lo ka hih manin ka kiangah ka mite ka samkik dinga, lungsim takpi tawh amaute ka it ding hi.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Marka 4:12

Bang hang hiam cih leh, ‘Enen napi-un a muh nai loh nading, zaza napi-un a tel nai loh nading; amaute in mu-in tel le-uh Pasianʼ lamah kihei ding uh a, Pasian in amauteʼ mawhna maisak ding hi,’” ci-in a dawng hi.

Luka 19:42

“Nopsak tawntung theih nading bang kisam hiam, ci-in tu ni-in thei lecin ut mahmah ing. Ahi zongin nang na theithei kei hi.

Sawltak 3:19

Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

Sawltak 7:57

Ahi zongin amaute in a bil uh hum sanin nakpi takin kiko-in Stefen bawhhuan uh a,

2 TIMOTI NIHNA 4:4

Amaute in thuman thutak ngai nuam nawn loin tangthu phuahtawm peuh ngaihsutpi-in nei ding uh hi.

Hebru 5:11

Hih thu tawh kisai-in i gen ding tampi a om hangin note in thu thei hak mahmah na hih manun i gen tel theih nading haksa hi.

Mangmuhna 22:2

khuapi sung lampi laizang ah a luang hi. Tua gun pang tuakah nuntakna singkung po a, kha simin gah ahih manin kum khat sungin sawm le nih vei a gah hi. A tehte zong natna dam nading zatui-in kizang hi.