Mattiu 12:46 - Tedim Bible Revision 2017

⁴⁶ Tua bangin mite kiangah thu genin a om laitakin a pua lamah a nu le a naute in Jesu hopih nuamin a om uh hi.

Tedim Bible

⁴⁶ Zeisu in mihonpi thu a hilh lai takin a nu leh a sanggamte in amah hopih nuamin, inn pua lamah ding-in a om uh hi.

Mattiu 12:46 Iomraidhean Croise

Mattiu 1:18

Jesu Khris a hong suahna zia hih bang ahi hi. Mary pen Josef adingin zuthawl piak sa hi a, ahi zongin a kiteen taktak ma-un Kha Siangtho in amah a gaisakna thu Mary in a thei hi.

Mattiu 12:47

Tua ahih manin tua lai ah a om mite khat in Jesu kiangah, “Na nu le na naute in nang hong hopih nuamin a pua lamah om uh hi,” a ci hi.

Mattiu 13:55

Khutsiam paʼ tapa hi lel a, a nu zong Mary a kici nu hi lel hi lo ahi hiam? Ama naute zong James, Josef, Simon le Judas hi lo ahi uh hiam?

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a van puakte uh suah khia uh a, kham, saledi paknamtui le myrrh paknamtuite, letsongin a pia uh hi.

Mattiu 2:20

“Naupang a that nuam mite si khinta ahih ciangin kithawi inla, naupang le a nu tawh Israel gamah ciah un,” a ci hi.

Marka 2:21

“Kuamah in puan tungsilh lui phop nadingin a ton nai lo puan bek a thak zang ngei lo hi. Zang zenzen leh a puan bek thak in a puan lui bal kek dinga, a vang gol zawsop ding hi.

Marka 6:3

Amah khutsiam pa hi lel a, Mary’ tapa hi lo ahi hiam? James, Josef, Judas le Simon-teʼ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sang zo lo uh hi.

Luka 1:43

Ka Topaʼ nu kei kiangah hong hawh nadingin, bang hangin hih bang thu lian kei tungah hong tung ahi hiam?

Luka 2:33

Naungekʼ nu le pate in, hih bangin Simeon in naungekʼ thu a genna a zak uh ciangin lamdang a sa mahmah uh hi.

Luka 2:34

Tua ciangin Simeon in amaute thupha a piak khit ciangin naungekʼ nu Mary kiangah, “Hih naungek pen, Israel mite sungah mi tampi in siatna a ngah nading le mi tampi in hotkhiatna a ngah nading ahi hi. Mi tampi in hih naungek nial ding uh a,

Luka 2:48

A nu le a pa in a muh uh ciangin lamdang sa uh a, a nu in, “Ka ta aw, bang hangin hong hici bawl na hi hiam? Na pa tawh lungkham mahmah in nang ka hong zong uh hi,” a ci hi.

Luka 2:51

Tua ahih ciangin a nu le a pa zui-in Nazareth khua ah ciahkik a, amauteʼ thu mangin tua lai ah hoihtakin a om hi. A nu in hih thu khempeuh a lungsim sungah ngaih sunsun hi.

Luka 8:10

Jesu in, “Pasianʼ Ukna thu tawh kisai thusim, note tungah hong kigen hi. Ahi zongin midangte in, enen napi-un a muh loh nading zaza napi-un a tel loh nadingun amaute tungah thu gentehna tawh thu kigen hi,” a ci hi.

Johan 19:25

Jesuʼ singlamteh gei ah ama nu; ama nu no ahi, Klopasʼ zi Mary; le Magdala khuami Mary a ding uh hi.

Johan 2:1

Tua zawh ni nih khit ciangin Galilee gam Kana khua ah mopawi om a, Jesuʼ nu zong tua pawi ah a om hi.

Johan 2:12

Tua khit ciangin Jesu le a nu, a sanggamte le a nungzuite, Kapernaum khua ah pai-in tua lai ah ni tawm khat a taam uh hi.

Johan 2:5

Ahi zongin Jesuʼ nu in nasemte kiangah, “Ama hong gen bangbangin gamta un,” a ci hi.

Johan 7:10

Ahi zongin a sanggamte a dinkhiat khit ciangin Jesu zong Jerusalem ah Buk Pawi siim dingin a nung pai hi. Ahi zongin a kilang lua-in pai loin a sim pai ahi hi.

Johan 7:3

ama sanggamte in Jesu kiangah, “Na nung hong zui mihonte in na nasepna a muh theih nadingun hih lai panin pai khia-in Judea gamah va pai in.

Johan 7:5

ama sanggamte mahmah in zong Jesu um lo uh hi.

Sawltak 1:14

Numeite, Jesuʼ nu Mary le Jesuʼ naute tawh thungen khawm dingin a kikhawm zelzel uh hi.

1 KORIN MASA 9:5

Sawltak dangte, Topaʼ naute le Peter mah bangin ka khualzinna ah thu um mi ka zi a tonpih thei ding ka hi hi.

Galati 1:19

Tua hun laitakin Topaʼ sanggam James sim loh sawltak kuamah dang ka mu kei hi.