Mattiu 12:45 - Tedim Bible Revision 2017

⁴⁵ Tua ciangin va paikik a, amah sangin a siahuai zaw dawi sagih hong tunpihin tua mipa sungah a teeng uh hi. Tua ahih manin tua mipa pianzia pen a masa huna sangin a sia zaw hi. Tua ahih ciangin tu hun a migilote zong hih mipaʼ pianzia mah tawh kibang ding uh hi,” a ci hi.

Tedim Bible

⁴⁵ Tua ciangin pai a, amah sangin a gilo zaw dawi sagih va sam a, tua pa sungah a lut uh hi. Tua ahih ciangin, tuapa a pian’ nunung pen in a pian’ masak sangin a siazaw hi. Tua mah bangin hih a gilo khang mite zong ahi ding hi,” a ci hi.

Mattiu 12:45 Iomraidhean Croise

Siampi Laibu 13:20

Siampipa in vel dinga, tua pen a vun sangin thuk zaw-in a multe a kang a suah leh, siampipa in amah nin hi, ci-in gen ding hi. Tua pen phak natna hi a, meimatum sung tawnin hong phu khia ahi hi.

Mattiu 12:24

Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawl khia hi lel hi,” a ci uh hi.

Mattiu 12:44

‘Ka pai khiatna sa inn mahah ciahkik ning,’ ci hi. A hong paikik ciangin tua inn na awng lai a, kipuah siangin hoihtakin a om a mu hi.

Mattiu 17:21

Thungetna le antanna tawh lobuang, thudang tawh hih bangte kihawl khia thei lo hi,” ci-in a dawng hi.

Mattiu 23:15

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in mi khat bek nangawn na ngah zawh nading uh na hanciamna un leitung tuitung lumletin khual na zin uh a, na ngahsunte uh zong note zah nihin a siahuai, hell khuk tung ding mi na suah uh hi.

Mattiu 23:24

A makai ding hi napi-in, mittaw bangin bangmah tum loteng thupi ngaihsutin, a thupi teng na nusia kha uh a, tui tawh na dawn khop khak loh nadingun thovai khaih napi-in kalaoh a nawmvalh kha tawh na kibang uh hi.

Marka 16:9

(Sihna panin Jesu a thawhkik khit ciangin ama sung pan dawi sagih a hawl khiatna, Magdala khuami Mary tungah Nipi ni zingsang tungin kilang masa hi.

Marka 5:9

Jesu in, “Na min bang ahi hiam?” ci-in a dong hi. Mipa in, “Kote tampi pha ka hih manun ka min pen A Honpi ahi hi,” ci-in a dawng hi.

Luka 11:26

Tua ciangin amah pai khiakikin, amah sangin a sia zaw dawi sagih hong paipih a, a sungah lutin a teeng uh hi. Tua mipaʼ pianzia pen a masa sangin hong sia zaw hi,” a ci hi.

Efesa 6:12

Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.