Mattiu 12:40 - Tedim Bible Revision 2017

⁴⁰ Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

Tedim Bible

⁴⁰ Jonah in ngapi’ gil sungah ni thum a om mah bangin, Mihing Tapa in ni thum lei sungah a om ding hi.

Mattiu 12:40 Iomraidhean Croise

2 KUMPI NIHNATE 14:25

Amah in Gath-hefer pan a kamsang pa, Amittaiʼ tapa, a nasem Jonahʼ tungtawnin Israel Pasian, Topaʼ thugen bangin, Hamath lutna panin Arabah Tuipi dong Israel gam a ngahkik hi.

Late 63:9

Ahi zongin thah dingin kei a hong zongte, lei thukpi sungah pai suk ding uh hi.

Jonah 1:17

Ahih hangin Jonah a nawmvalh dingin Topa in ngapi khat a geel kholh sa hi a, tua ngapiʼ gil sungah Jonah sun thum le zan thum sung a om hi.

Mattiu 12:8

Bang hang hiam cih leh Mihing Tapa pen Sabbath ni a ukpa ahi hi,” ci-in a dawng hi.

Mattiu 16:21

Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Mattiu 17:23

mite in a that ding uh hi. Ahi zongin a ni thum ni-in kihingkiksak ding hi,” a ci hi. Tua thu a zak uh ciangin nungzuite a dah mahmah uh hi.

Mattiu 27:40

“Biakinn susia-in ni thum sungin a lamkik ding pa aw, nang le nang kihon khia in. Pasianʼ Tapa na hih takpi leh singlamteh tung panin hong kum suk in,” ci-in a zahko uh hi.

Mattiu 28:6

Hih lai ah amah om nawn lo hi. A gen sa bangin thokik khinta hi. Hong pai unla, amah a kisialna mun hong en un.

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Johan 2:19

Jesu in, “Hih biakinn susia le-uhcin ni thum sungin ka dingsakkik ding hi,” ci-in a dawng hi.