Mattiu 12:35 - Tedim Bible Revision 2017

³⁵ Mihoihte in a hoih a khol teng suah khia a, migilote in gitlohna a khol teng a suah khia ahi hi.

Tedim Bible

³⁵ Miphate in a sumkholna hoih sung pan a pha nate a pusuaksak hi. Mipha lote in a hoih lo sumkholna sung panin a pha lo nate a pusuaksak hi.

Mattiu 12:35 Iomraidhean Croise

JOB (Job) 8:10

Amaute in nang hong hilhin, a thu hong genin, amauʼ phawk sa thute hong gen ding hi lo ahi hiam?

Paunak 12:6

Migiloteʼ thugente mi thahnopna bekbek hi a, midikteʼ thugente in lauhuaina sunga om mite a hon khia hi.

Paunak 15:23

A hun mahin dawn pah theihna lungkimhuai a, a kilawm kammal tawh dawn pah theihna hoih zaw kan hi.

Paunak 15:28

Mihoihte in a kampau ding ngaihsun phot a, migiloteʼ pau pakna pen thusia tawh kizom hi.

Paunak 15:4

Kam khum in nuntakna piangsak a, kam sia in lung gimsak hi.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih gen thei mah ding na hi uh hiam? Bang hang hiam cih leh lungsim sunga thu om pen kam in a gen khia hi bek hi.

Mattiu 13:52

Tua ciangin Jesu in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ututin a la khia thei ziauziau sum nei pa tawh kibang uh hi,” a ci hi.

Mattiu 7:17

Tua ahih manin singkung cidamte in gah limci gah a, singkung gina lote in gah gina lo gah uh hi.

Luka 6:45

Mihoih pa in a lungsim sunga thuhoih om teng hong suah khia a, migilo pa in a lungsim sunga a gitlohna teng hong suah khia hi. Bang hang hiam cih leh mite pen amauʼ lungsim sunga a om bangbang a hong pau khia uh ahi hi.

Efesa 4:29

Na kiho uh ciangin kamguh zang kei unla, na pauna uh a za mite in phattuamna a ngah theih nadingin na-in a kimang kam hoihte bek na pau un.

Kolose 3:16

Khris thu a cing takin note lungsimah hong om henla, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte le biakna late na sa un.

Kolose 4:6

Kam na pau uh ciangin miʼ zaknop, miʼ ngaih nop dingin na pau un. Tua hileh na kihopih uh mite khempeuh adingin phattuamna a nei kam a pau na hi ding uh hi.