Mattiu 12:32 - Tedim Bible Revision 2017

³² Mihing Tapa langpangin a gensiate a mawhna uh kimaisak thei dinga, ahi zongin Kha Siangtho langpangin a gensiate pen tu hun a kipan a tawntungin a mawhna uh kimaisak lo ding hi.

Tedim Bible

³² Mihing Tapa a gensiate, a mawhna kimaisak thei ding hi. Kha Siangtho a gensiate’ mawhna ahih leh, tu khang laitak ahi zongin, tu nung khang ahi zongin kimaisak zo lo ding hi.”

Mattiu 12:32 Iomraidhean Croise

JOB (Job) 36:13

“Migilote a hehin ni tum uh a, gimna a thuak ciang nangawnun ama huh ding ngen lo uh hi.

Mattiu 11:19

Mihing Tapa hong pai leuleu a, zune anne-in a om ciangin, ‘Zuhai anhai pa; siahdongte le midangte in a kikholh pih nop loh mite tawh a kikhawl pa,’ ci leuleu uh hi. Ahi zongin Pasianʼ pilna a man taktakna thu a gah panin hong kilang hi,” a ci hi.

Mattiu 12:31

Tua ahih manin note kiangah kong genin ah: Mihingteʼ kampau khialhna le gamtat khialhnate kimaisak thei dinga, ahi zongin Kha Siangtho langpangin a gensiate kimaisak lo ding hi.

Mattiu 12:8

Bang hang hiam cih leh Mihing Tapa pen Sabbath ni a ukpa ahi hi,” ci-in a dawng hi.

Mattiu 13:22

Lingbulsum omna leilak ah a tu khaicite pen Pasianʼ thu za napi-in amau nuntakna sung uh ah leitung lunghihmawhna le hauh nopnate in Pasianʼ thu vuknelh ahih manin bangmah a suak khia zo lote a cihnopna ahi hi.

Mattiu 13:39

tahum tang a vawh galpa pen Dawimangpa ahi hi. Anlak hun pen leitung bei nading hun hi a, an la nasemte pen vantung mite ahi hi.

Mattiu 13:40

Tahumte kikaikhawmin meikhuk sungah a kikhultum mah bangin leitung bei hun ciangin tua bangmahin kihih ding hi.

Mattiu 13:55

Khutsiam paʼ tapa hi lel a, a nu zong Mary a kici nu hi lel hi lo ahi hiam? Ama naute zong James, Josef, Simon le Judas hi lo ahi uh hiam?

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Marka 10:30

tu khang hunin a zah za khat innte, sanggam pasalte, sanggam numeite, nute, tate, leitangte ngah ding uh a, bawlsiatna zong ngah ding uh hi. Hong tung ding hunah zong nuntak tawntungna ngah lai ding uh hi.

Marka 3:28

“Tua ahih ciangin hih thu phawk un! Mihingteʼ mawhna le a kampau siatnate uh kimaisak thei ding hi.

Marka 3:29

Ahi zongin Kha Siangtho langpangin thu a gente in mawhna kip su kha uh ahih manin a mawhna uh kimaisak ngei lo ding hi,” a ci hi.

Luka 12:10

Mihing Tapa a langpangte a mawhna uh kimaisak thei dinga, Kha Siangtho a langpangte a mawhna uh kimaisak lo ding hi.

Luka 16:8

A dik tat lo nasem pa pen ama ngiansiamna hangin a topa in a pakta hi. Bang hang hiam cih leh Pasian thu a zui mite sangin leitung mihingte pen a nasepna uh ah ngiansiam zaw uh hi.

Luka 18:30

tuhunin a zah tampi le hong tung ding hunah nuntak tawntungna a ngah lo ding kuamah om lo hi,” a ci hi.

Luka 23:34

Ahi zongin Jesu in, “Pa aw, amaute in bang hih ihi hiam cih thei lo uh ahih manin a mawhna uh na maisak in,” a ci hi. Tua ciangin amauʼ ngah ding ciat a theih nadingun aisanin a puante a hawm uh hi.

Luka 7:34

Mihing Tapa hong pai leuleu a, zune anne-in a om ciangin, ‘Zuhai, anhai pa, siahdongte le midangte in a kikholh pih nop loh mite tawh a kikhawl pa,’ ci leuleu uh hi.

Johan 7:12

Ama thu hangin mihonte lakah kam kihona tampi om a, “Amah mihoih mahmah khat hi,” ci uh a, pawl khat in, “Mi khemin a lam khialhpih ding pa ahih manin mihoih hi het lo hi,” a ci uh hi.

Johan 7:39

Jesu in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasianʼ pianzia nei-in sihna panin Jesu kithokiksak nai lo ahih manin Kha Siangtho kipia khia nai lo hi.

Johan 7:52

Tua ciangin amaute in, “Nang zong Galilee gam mi na hi hiam? Lai Siangtho sung sim lecin Galilee gam sung panin kamsang khat beek a pian ngei lohna thu na thei ding hi,” a ci uh hi.

Sawltak 3:19

Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

Efesa 1:21

Vantungah ukna, aana, vangliatna a neite khempeuh tungah Khris in ukna aana nei lai a, hih leitung bekah hi loin a hong tung ding leitungah zong amah a lian pen ahi hi.

1 TIMOTI MASA 1:13

A beisa hunah amah gensia-in, simmawh bawlin, ama mite a bawlsia pa ka hih ngei tei hangin ama thu ka up nai loh manin theih lohna tawh a gamta ka hih manin Pasian in kei hong hehpih hi.

1 TIMOTI MASA 1:15

Khris Jesu, mawhneite a hon khia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

1 TIMOTI MASA 4:8

Pumpi kisekin kisinna manpha hi. Ahi zongin kha thu ah kisekin kisinna pen tu hun laitak le a hong tung ding hunah nuntakna hong pia thei ahih manin manpha zaw lai hi,

1 TIMOTI MASA 6:17

Tu hun a a hau mite kisathei kha loin, a kip lo hauhnate muan le suanin nei kha loin, eite in nuam takin i zat theih dingin citna tawh a hong pia Pasian a muan a suan nadingun na hilh in.

2 TIMOTI NIHNA 4:10

Demas in hih leitung thu kin zaw ahih manin kei hong nusia-in Thesalonika khua ah a pai hi. Kresen, Galatia gamah pai a, Titus, Dalmatia gamah pai hi.

Titu 2:12

Eite in i lamet, a lian Pasian le eite hong Hon Jesu Khris a vangliatna hong kilatkik ding hun ngakin i om laitakin i biakna tawh a kituak lo thute le leitung nate deihna phiatin, lungsim hi hithiatin omin, thutangin, hih leitungah Pasianʼ deihna bangin i nuntak nadingin tua hehpihna thu in eite hong hilh hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.