Mattiu 12:30 - Tedim Bible Revision 2017

³⁰ Kei hong pawlpih lo peuhmah keima lang hi uh a, kei hong kaihkhop pih lo peuhmah a thehthang ahi uh hi.

Tedim Bible

³⁰ Kei tawh kipawl lote in, ka lang khatah a om hi. Keimah tawh a khawmkhawm lote in a kithehthang sak hi.

Mattiu 12:30 Iomraidhean Croise

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Late 94:16

Kei adingin migilote a do dingin kua kipan ahi hiam? Kei adingin siatna a bawlteʼ lang khat ah kua ding ahi hiam?

Paunak 11:24

Mi pawl khat in sum zang ziahziah napi-in hau semsem uh a, mi pawl khat cil mahmah napi, zawng semsem hi.

Hosea 1:11

Judah mite le Israel mite kigawmkik ding uh a, amaute a makai dingin mi khat a seh ding uh hi. Amaute khangin citheikik ding uh a, tua Jezreel hun pen a nuam mahmah hun hi ding hi.

Mattiu 12:29

Mi khatpeuh in mi thahat khat paʼ inn sungah lutin a neihsate a laksak theih nadingin tua inn nei a thahatpa a hencip masak phot ding kisam hi. A hencip zawh khit ciang bekin a inn ah lutin a neihsate la thei pan hi.

Mattiu 6:24

“Kuamah, to nihʼ sila hi khawm thei lo hi. Khat mudahin khat it dinga, khat tungah thumanin khat simmawh bawl ding hi. Note in Pasianʼ na le leitung sum na nasem khawm zo kei ding uh hi.

Marka 9:40

Eite hong langpang lo peuhmah i pawl ahi hi.

Luka 11:23

Kei hong pawlpih lo peuhmah keima lang hi uh a, tuute hong kaihkhop pih lo peuhmah tuute a thehthang gawpte ahi uh hi,” a ci hi.

Luka 9:50

Ahi zongin Jesu in ama kiangah, “No hong langpang lote noteʼ pawl ahih manin kham kei un,” a ci hi.

Johan 11:52

Jew mite ading bek hi loin a kithehthang Pasianʼ mi khempeuh pum khat a suah nadingin a kikaihkhop nading thu zong a gen khol ahi hi.

Joshua 24:15

Topaʼ na na sepnop kei uh leh, Gun gal khat a, a na na sepsak uh na pu na pate uh pasian ahi a, noteʼ teenna gam Amor miteʼ pasian ahi zongin, a na na sepsak ding peuhpeuh uh tu ni-in teel un. Ahih hangin kei le ka innkuanpihte in ka hih uh leh Topaʼ na ka sem ding uh hi,” a ci hi.

Joshua 5:13

Jerikho khua kiangah Joshua a tun ciangin a khuadak toh leh, a khut sungah namsau dawh sa tawh mi khat a mai ah na ding hi. Ama kiangah Joshua pai-in, “Koʼ pawl na hi hiam, ahih kei leh ka langteʼ pawl na hi hiam?” a ci hi.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.