Mattiu 12:28 - Tedim Bible Revision 2017

²⁸ Noteʼ ngaihsut bang hi loin, Pasianʼ Kha in dawi hawlkhiat nading vangliatna kei tungah hong pia ahih manin note lakah Pasianʼ ukna hun hong kipan khin ahihna hong kilang hi.

Tedim Bible

²⁸ Keimah in Kha Siangtho suangin dawite ka hawlkhiat leh, Pasian’ Gam in note kiangah hong tung zo hi.

Mattiu 12:28 Iomraidhean Croise

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Daniel 7:14

Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.

Mattiu 12:18

“Keimah in ka teel sa ka nasem pa, ka it mahmah, ka lungkimna pa en un. Keima Kha ama tungah ka pia dinga, Gentail mite tungah upna man a pulak ding hi.

Mattiu 12:29

Mi khatpeuh in mi thahat khat paʼ inn sungah lutin a neihsate a laksak theih nadingin tua inn nei a thahatpa a hencip masak phot ding kisam hi. A hencip zawh khit ciang bekin a inn ah lutin a neihsate la thei pan hi.

Mattiu 21:31

Hih tapa nihte sung panin a koi bel pen a paʼ deih bangin gamta ahi hiam?” a ci hi. Amaute in, “A ta u zaw a ta hi,” a ci uh hi. Tua ciangin Jesu in amaute kiangah, “Note kiangah a mantak a kong genin ah: Pasianʼ ukna sungah note sangin siahdongte le numei paktatte lut masa zaw ding hi.

Mattiu 21:43

Tua ahih ciangin note kiangah kong genin ah: Note pen Pasian hong ki-uksak nawn lo dinga, a kilawmin a gamta ding mite bek Pasian in uk ding hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Marka 1:15

“A hunhoih hong tung ta a, Pasianʼ Uk ding hun hong kipan ta hi. Na mawhna uh kisikkik unla, hih Lungdamna Thuthak um un,” ci-in a hilh hi.

Marka 11:10

A hong tung ding i pu Davidʼ ukna, Pasian in thupha pia tahen! Pasian phat un!” ci-in a awng uh hi.

Marka 16:17

A um mite tungah hih vangliatna limte kipia ding hi: Keima hangin dawi hawl khia thei ding uh a, pau dangte pau thei ding uh hi.

Luka 10:11

‘Na khua sung uh a leivui, ka khe tung uh ah a hong baangte nangawn, note hilhkholhna in ka nul khia uh hi. Ahi zongin Pasianʼ Uk nading hun a hong naina thu thei ta un,’ ci-in gen un.

Luka 11:20

Noteʼ ngaihsut bang hi loin, keʼn Pasianʼ vangliatna tawh dawite hawl khia ka hih manin, note kiangah Pasianʼ Ukna hun hong tung ta ahihna phawk un.

Luka 16:16

“Tuiphumpa Johanʼ hun ciang dong Moses Thukham le kamsangteʼ thugente pen zuih belin kinei a, ahi zongin Pasianʼ Ukna hangin Lungdamna Thu a kihilh hun a kipanin hih thu ah mi khempeuh hong kituhteh uh hi.

Luka 9:2

Tua ciangin Pasianʼ Ukna thu a hilh ding le cinatnate a damsak dingin kuan khiasakin

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

ROM (Romans) 14:17

Bang hang hiam cih leh Pasianʼ Ukna pen nekledawn tawh a kisai thu hi lo a, Kha Siangtho hangin i ngah Pasianʼ deih bangin gamtatna, kilemna, lungdamna, cihte hizaw hi.

Kolose 1:13

Amah in khuamial vangliatna panin eite hong hon khia-in, a lungmuanhuaina mun, a it a Tapaʼ ukna sungah hong koih a,

Hebru 12:28

Tua ahih manin a kiliingsak zo lo Pasianʼ gam i ngah manin lungdamin, zahtakna le lamdangsakna tawh Pasianʼ lungkimna bangin amah bia ni.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.