Mattiu 12:23 - Tedim Bible Revision 2017

²³ Tua ciangin mi khempeuh in lamdang sa mahmah uh a, “Hih pa, i lam etet Davidʼ suan hi lo ding ahi hiam?” a ci uh hi.

Tedim Bible

²³ Tua gama mi khempeuh in lamdangsa-in, Hih pa in David’ ta ahi hiam?” ci-in a dong uh hi.

Mattiu 12:23 Iomraidhean Croise

Mattiu 15:22

Tua gamah a teeng Kanaan nupi khat hong pai-in hong kiko a, “Davidʼ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Mattiu 21:9

A mai-a pai mihonte le a nung a zui mihonte awng uh a, “Davidʼ suan Jesu in phatna ngah tahen! Topaʼ min tawh hong pai pa in thupha ngah tahen! A sangpen a om Pasian in phatna ngah tahen!” a ci uh hi.

Mattiu 7:28

Jesu in hih a thugente a man khit ciangin, ama thugenna hangin mihonpite in lamdang sa mahmah uh hi.

Mattiu 9:27

Tua lai panin Jesu a paikhiat ciangin mittaw mi nih in a nungah hong zui-in nakpi takin kiko uh a, “Davidʼ suan Jesu aw, kote hong hehpih in,” ci-in a thum uh hi.

Mattiu 9:33

Ama sung panin dawi a kihawlkhiat khit phetin tua mipa hong pau theikik pah hi. Mihonpite in lamdang sa mahmah uh a, “Israel gam sungah hih bang thu piang ngei nai lo hi,” a ci uh hi.

Johan 4:29

“Hong pai un. Ka gamtatna sa a hong thei pa va en ni. Amah Khris hi kha ding hi,” a va ci hi.