Mattiu 12:22 - Tedim Bible Revision 2017

²² Tua ciangin mi pawl khat in Jesu kiangah mit tawt le pau theih loh a thuah dawivei mi khat hong paipih uh hi. Jesu in amah damsak ahih manin amah hong pau thei-in khua zong hong mu thei hi.

Tedim Bible

²² Tua ciangin dawi lut a, mittaw, a pauthei lo mi khat Zeisu kiangah a paipih uh a, a damsak ciangin, tua pa in khua mu thei a, a pau thei pah hi.

Mattiu 12:22 Iomraidhean Croise

Late 51:15

Topa aw, ka pau theih nadingin kei hong huh in; nangmah kong phat ding hi.

Isaiah 29:18

Tua ni ciangin bilngongte in laibu sunga thute za dinga, lungzinna le khua mialna sung panin mittawteʼ mit in mu ding uh hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Marka 3:11

Tua laitakin miteʼ sunga lut dawite in Jesu a muh uh ciangin a mai ah pukin kiko uh a, “Nang pen Pasianʼ Tapa na hi hi,” a ci uh hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

2 THESALONIKA NIHNA 2:9

Satanʼ vangliatna tawh A Gilopa hong pai-in, lim le nalamdang a tuamtuamte hong bawl dinga,