Mattiu 12:20 - Tedim Bible Revision 2017

²⁰ Amah in a zawngkhal mite dop bawl dinga, a cimawh mite tungah migi ding hi. Thuman thutang a gualzawhsak mateng khawl ngei lo ding hi.

Tedim Bible

²⁰ Thu a khensak khit matengin A awnsa pumpeeng kuai tan lo a, A khu suaksa meivak khau a sumit kei ding hi.

Mattiu 12:20 Iomraidhean Croise

2 KUMPI NIHNATE 18:21

En un, a tungah a kingam mipaʼ khut a sun ding pumpeeng kung kitam a bang lel Egypt tu-in na suang uh hi. Amah a suangte khempeuh tungah Egypt kumpipa Faro pen tua bang lel ahi hi.

Late 147:3

Amah in lungsim kitamte damsak a, amauʼ meimate a tuamsak hi.

Late 51:17

Pasianʼ san theih biakna pen lungsim kitamzan ahi hi. Pasian aw, a kitamzan, a kisik lungsim na simmawh kei ding hi.

Isaiah 40:11

Amah in tuucingpa bangin ama tuuhonte an vak dinga, ama tuuhonte kaikhawmin a ang sungah pua dinga, no ngek lai a neite dam takin a paipih ding hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Siampi Laibu 10:20

Moses in tua thu a zak ciangin a lungkim hi.

Mattiu 11:28

“Na semin van gik pua-in a gim mite khempeuh aw, ka kiangah hong pai ta un. Note tungah lungsim tawldamna kong pia ding hi.

Mattiu 11:7

Tua thu dong mite a ciahkhiat khit ciangin Jesu in mihonte kiangah Johanʼ thu gen a, “Gamlak ah Johan kiangah na pai uh ciangin bang a mu dingin kilamen na hi uh hiam? Huih in a mut awn diamdiam lopa kungte a en ding maw?

Luka 4:18

“Gimna a thuak mite tungah Lungdamna Thu a hilh dingin Topa in kei hong seh khin ahih manin keima sungah Topaʼ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

2 KORIN NIHNA 2:14

Ahi zongin Pasian tungah lungdam mahmah nading thu a om hi. Khris tawh ka kipawlna hangun gualzawhna tawh Khris a paina khempeuh ah Pasian in kote hong zuisak hi. Mun khempeuh ah paknamtui a kizelh bangin Khris thutheihna a kizelsak dingin Pasian in kote hong zang hi.

2 KORIN NIHNA 2:7

Tua ahih manin a mawhna maisak ta unla hehnem zaw un. Tua hikeileh dah lua-in siatlawh kha ding hi.

Mangmuhna 6:2

Ka khuadak leh sakol kang khat hong pai a, a tungah a tuang pa in thal khat a tawi hi. Ama tungah lukhu khat kipia a, a gualzo pa hihna tawh a gualzo dingin a kuan khia hi.