Mattiu 12:14 - Tedim Bible Revision 2017

¹⁴ Ahi zongin Farisi mite paikhia uh a, Jesu a thah theih nading uh vai a hawm uh hi.

Tedim Bible

¹⁴ Tua lai takin Farisaite paikhia a, “Amah bangci leeng susia thei ding i hi hiam?” ci-in a vaihawm uh hi.

Mattiu 12:14 Iomraidhean Croise

Mattiu 26:4

kuama theih lohin Jesu simmatin a thah theih nading uh a vaihawm uh hi.

Mattiu 27:1

A zingsang ciangin siampi liante le upate in Jesu a thah nading uh a vaihawm uh hi.

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesu simmatin a thah theih nading uh lampi a zong uh hi.

Marka 3:6

Tua ahih ciangin kikhopna inn panin Farisi mite pai khia-in Herod pawlte kim khat tawh kikhopna nei pah uh a, Jesu a thah theih nading uh a vaihawm uh hi.

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesu a kithah theih nading lampi a zong uh hi.

Luka 6:11

Ahi zongin amaute heh mahmah uh a, Jesu a suktheih nading uh khatlekhat a kikum pah uh hi.

Johan 10:31

Tua ciangin Jew mihonte in amah deng dingin suang tawm leuleu uh ahih manin

Johan 10:39

Tua ciangin amaute in Jesu mat sawm uh hi; ahi zongin amauteʼ khut sung panin Jesu a suakta hi.

Johan 11:53

Tua ahih manin tua hun a kipanin Jesu a thah theih nadingun a vaihawm uh hi.

Johan 11:57

Bang hang hiam cih leh siampi liante le Farisi mite in Jesu a mat theih nadingun, “Jesu a omna a thei na om uh leh hong ko un,” ci-in thupiakna nei khinzo uh hi.

Johan 5:18

Hih bangin ama kampauna hangin amaute in Jesu that nuam semsem uh hi. Amah in Sabbath thukham a palsat bek hi loin, Pasian nangawn ka Pa ci ahih manin Pasian tawh a kikimin kiseh hi, ci-in a mawhsak uh hi.

Johan 7:30

Tua ciangin amaute in Jesu mat ding hanciam uh hi; ahi zongin ama hun tung nai lo ahih manin kuamah in va su lo hi.

Johan 7:32

Hih bangin mihonpite a kihona thu Farisi mite in za uh ahih manin amaute le siampi liante in Jesu a man dingin biakinn cing palikte pawl khat a sawl uh hi.

Johan 7:44

Mi pawl khat in Jesu man nuam uh hi; ahi zongin kuamah in su ngam lo hi.

Johan 8:59

Tua bang a cih ciangin amaute in amah a den nading suang tawm uh a, ahi zongin biakinn sung panin Jesu a gel khia hi.