Mattiu 11:3 - Tedim Bible Revision 2017

³ “Nang pen a hong pai ding pa na hi hiam, tua ahih kei leh a dang na lamen lai ding ka hi uh hiam?” ci-in a dongsak hi.

Tedim Bible

³ “Nangmah in a hong pai dingpa taktak na hi hiam? Ahih kei leh, midang khat ka lamen lai ding uh hiam?” ci-in a dong sak hi.

Mattiu 11:3 Iomraidhean Croise

Piancilna 12:3

Nang thupha hong piate thupha ka pia dinga, nang hong samsiate ka samsia ding hi. Nangʼ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Late 118:26

Topaʼ min tawh hong pai pa in thupha ngah tahen. Topaʼ inn panin nang kong phat uh hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Hosea 3:5

Tua khit ciangin Israel mite in Topa amauʼ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Obadiah 1:21

A gualzo Jerusalem khua mite in Esauʼ gam simin uk ding uh a, tua gam pen Topaʼ gam ahi ding hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Haggai 2:7

Minam dang khempeuh lok gawp ding ka hih manin a neihsa uh sum le paite, hih munah hong kipuak dinga, biakinn sungah a dimin van hong om ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Gamlak-vakna 24:17

Amah ka mu hi; ahih hangin tu nai hun hi lo hi: Jakob sung pan aksi khat hong suak khia dinga, Israel sung pan kumpi ciangkhut hong piang ding hi. Tua in Moab thaltang satkham dinga, Shethʼ suante khempeuh su gawp ding hi.

Mattiu 11:10

Bang hang hiam cih leh Lai Siangtho in Johanʼ thu a genna ah, ‘Na pai nading lampi a hong khol dingin nangma mai ah ka kamtai pa ka sawl hi,’ ci-in Pasian in gen hi, ci-in kigelh hi.

Mattiu 11:4

Jesu in amaute kiangah, “Va ciahkik unla, tu-a na zakte uh le na muh uh thute va gen un:

Mattiu 21:5

Tua a genna ah, “En un, na kumpipa uh hong pai hi. Kiniamkhiatna tawh lapi tung le la no tungah tuangin hong pai hi, ci-in Zion khua mite kiangah gen un,” a ci hi.

Mattiu 21:9

A mai-a pai mihonte le a nung a zui mihonte awng uh a, “Davidʼ suan Jesu in phatna ngah tahen! Topaʼ min tawh hong pai pa in thupha ngah tahen! A sangpen a om Pasian in phatna ngah tahen!” a ci uh hi.

Marka 11:9

Jesuʼ mai-a a pai mite le a nung a a zui mite in, “Pasian phat un! Topaʼ tangin a hong pai mipa, Pasian in thupha pia tahen!

Luka 19:38

“Pasian in Topaʼ tangin a hong pai kumpipa, thupha pia tahen. Vantungah nopna om henla, Pasianʼ min thang tahen,” ci-in a awng uh hi.

Johan 11:27

“Ka um hi, Topa aw; leitungah a hong pai ding Pasianʼ Tapa, Khris na hihna thu ka um hi,” ci-in a dawng hi.

Johan 12:13

Tua ahih manin amah a dawn dingin Jerusalem panin mihonpi pai khia-in nisuh hiangte tawi kawmin, “Pasian phat un! Pasian in Topaʼ min tawh hong pai pa thupha pia tahen! Pasian in Israel Kumpipa thupha pia tahen!” ci-in a kiko uh hi.

Johan 16:14

Amah in keima gen ding thute note tungah hong gen ding ahih manin Pasianʼ pianzia ka neihna hong kilangsak ding hi.

Johan 4:21

Jesu in, “Lawm aw, hih ka thugen ding hong um in: Mite in hih mual tung hitaleh Jerusalem hitaleh ah Pa Pasian a biak nawn loh hun hong tung ding hi.

Johan 6:14

Jesuʼ nalamdang bawl a muh uh ciangin tua lai-a om mihonpite in, “Leitungah kamsang hong pai ding a kici pa pen hih pa hi taktak hi,” a ci uh hi.

Johan 7:31

Ahi zongin mihon lak panin mi tampi mah in amah um uh a, “Khris hong pai ciangin hih mipa sangin nalamdang tam zaw hong bawl tuan ding ahi hiam?” a ci uh hi.

Hebru 10:37

Bang hang hiam cih leh Lai Siangtho sungah, “A sawt loin, a hong pai ding pa hong tung dinga, hong zekai nawn lo ding hi.