Mattiu 11:29 - Tedim Bible Revision 2017

²⁹ Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Tedim Bible

²⁹ Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

Mattiu 11:29 Iomraidhean Croise

2 KHANG TANGTHU NIHNATE 10:11

Tu-in ka pa in note tungah van gik hong suatna ah keimah in na van gik uh ka behlap ding hi. Ka pa in ciang tawh note hong thuhilh hi; ahih hangin keimah in ciang lingnei tawh note kong thuhilh ding hi,’ ci in,” a ci uh hi.

Late 116:7

Lungmuang takin ka om ding hi; bang hang hiam cih leh keima tungah Topa hong thunuam hi.

Late 131:1

Topa aw, ka lungsim kiliansak nawn lo a, kei ka kihisak nawn kei hi. Kei adingin a lian lua le a lamdang luate ngaihsutin ka nei kei hi.

Paunak 3:17

Pilna in nuntakna hong nuamsak a, lungmuang takin hong omsak den hi.

Isaiah 28:12

Topa in note tungah tawlngakna le lungnopna hong pia napi-in, note in ama thu na ngai kei uh hi.

Isaiah 29:19

Miʼ nopnehte in Topa’ sungah lungdamna thak ngah ding uh a, Israel-teʼ Siangtho Paʼ sungah mizawngte lungdam ding uh hi.

Jeremiah 6:16

Topa in mite tungah, “Lam ka bomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Gamlak-vakna 12:3

Moses a lungnem mahmah hi a, leitung a om mi khempeuh sangin a lungnem zaw ahi hi.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 21:5

Tua a genna ah, “En un, na kumpipa uh hong pai hi. Kiniamkhiatna tawh lapi tung le la no tungah tuangin hong pai hi, ci-in Zion khua mite kiangah gen un,” a ci hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 7:24

“Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Luka 8:35

Hih thupiang a en dingin mite hong pai uh a, Jesu kiang a tun uh ciangin dawi a pai khiatna mipa Jesu kiangah omin, puan silhin, a pilkikna thu a muh uh ciangin a vekpi-un lamdang sa-in a lau uh hi.

Johan 13:15

Note tungah ka hong gamtat bangin note na gamtat theih nadingun a lim a hong lak ka hi hi.

Johan 13:17

Hih thu thei-in na zuih uh leh na lung uh nuam mahmah ding hi.

Sawltak 7:37

Hih Moses pen Israel mite tungah, ‘Pasian in kei hong sawl mah bangin, i mipihte sung mah panin note ading kamsang khat hong sawl ding hi,’ a ci pa ahi hi.

1 KORIN MASA 9:21

Tua mah bangin Jew miteʼ Thukham in a huam loh Gentail mite lakah na ka sep ciangin amaute ka ngah zawh nadingin Gentail mite bangmahin ka gamta hi. Hih bangin ka gen ciangin Pasianʼ thukham a zui lo, cihna hi loin Khrisʼ thukham zui-in a gamta ka hi hi.

2 KORIN NIHNA 10:1

Keimah Paul in Khris migitna le lungduaina tawh note kiangah kong thum hi. Kei pen note tawh ka hong om khawm laitakin a meidawi, note tawh ka om khawm loh ciangin a tapkual han in hong kigen hi.

2 KORIN NIHNA 10:5

Miteʼ ngaihsutna a man lote ka thal nial gawp zo uh a, Pasianʼ thu theih nading a khaktan thei nate ka susia gawp uh a, mi khempeuhʼ ngaihsutna zo gawpin Khrisʼ thu a mang dingin ka bawl uh hi.

Filippi 2:5

Note in Jesu Khris lungsim puak zia na nei un. Tua lungsim puak zia in:

1 THESALONIKA MASA 4:2

Bang hang hiam cih leh Topa Jesu min tawh ka hong thuhilhnate uh na theih sa uh ahi hi.

2 THESALONIKA NIHNA 1:8

Pasian a thei lo mite le i Topa Jesu tawh kisai Lungdamna Thu a um lo mite tungah gimna a tungsak ding hi.

Hebru 5:9

Tua bangin a cingtaak mi a suah khit ciangin ama thu a mang mite khempeuh adingin tawntung hotkhiatna a kipatna hong suak a,

1 JOHAN MASA 2:6

Pasian tawh ka kipawl hi, a ci mi khempeuh, Jesu Khris a gamtat bangin a gamtat ding ahi hi.