Mattiu 11:23 - Tedim Bible Revision 2017

²³ Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi. Bang hang hiam cih leh noteʼ khua sunga hong kibawl nalamdangte, Sodom khua sungah kibawl hileh tu ni dongin tua khua kip lai ding hi.

Tedim Bible

²³ Kapernaum khuapi aw, vantung dongin minthan’na na ngah ding hiam? Nang in hel khua dongin na kiasuk ding hi. Bang hang hiam na cih leh, nangma sungah a kilak vangliatnate in Sodom khuapi sungah kilak ngei leh, tu-ni dongin a kip lai ding hi.

Mattiu 11:23 Iomraidhean Croise

Piancilna 13:13

Tua laitakin Sodom mite migilo hi a, Topaʼ tungah nakpi takin a khialte ahi hi.

Kah la 2:1

Topa in a heh manin Jerusalem khuapi a mialcipsak hi. A vantung minthanna teng uh kisiatna a suaksak hi. Amah in a heh ni-in a Biakinnpi nangawn a susia hi.

Ezekiel 26:20

Tanglai-a a si sa mite tawh a teeng khawm dingin misiteʼ khua Leinuai ah kong puak ding hi. Siatna a thuak tawntung leinuai-a omte lakah kong koih dinga, a si sate tawh na om ding hi. A hingte lakah a omkik dingin tua lai panin nong kilehkik nawn kei ding hi.

Ezekiel 31:14

Tua ahih ciangin tu a kipanin singkung khat beek, bangzahin tui a ngah hangin tua zahin khangin, a dawn in meiipi banin sang zo ngei nawn lo ding hi. Misiteʼ omna Leinuai khua a zuan ding, a si thei mihingte mah bangin singkung khempeuh a si ding ahi ta hi.

Ezekiel 32:18

“Mihing ahi Ezekiel aw, Egypt mi tampiteʼ hangin kapin thum in. Misiteʼ omna Leinuai gamah a vanglian minam dangte tawh amaute paisak in. Amaute kiangah hih bangin ci in:

Ezekiel 32:24

“Elam zong, a kimkot ah a galkapteʼ han tawh, tua lai mahah om hi. Amaute khempeuh gal sungah a si uh hi a, misiteʼ gam Leinuai ah Pasian a thei loin pai suk uh hi. A hin lai-un mi khempeuh a lausak ngeite hi uh a, ahi zongin tu-in amaute si-in mindai-in a om uh hi.

Obadiah 1:4

Muvanlai bangin sangpi ah leengin, aksite lakah bu na bawl hangun no kong khia suk veve ding hi, Topa in a ci hi.

Mattiu 10:15

Thukhen ni ciangin tua khua miteʼ thuakna sangin Sodom khua le Gomorrah khua miteʼ thuakna ol zaw lai ding ahihna thu hoihtakin phawk un.

Mattiu 16:18

Keʼn kong genin ah: Nang pen suangneu a cihnopna Peter na hi hi. Hih suangpi tungah ka pawlpi ka lam dinga, sihna nangawn in zo zo ngei lo ding hi.

Mattiu 17:24

Kapernaum khua ah a tun uh ciangin biakinn siahdongte in Peter kiangah, “Na siapa in biakinn siah hamu a piak ngei mah ahi hiam?” ci-in a dot uh ciangin,

Mattiu 4:13

Galilee gam Nazareth khua ah omsuak loin paikhia leuleu a, Zebulun le Naftali gam sung Galilee Tuili gei-a om Kapernaum khua ah a va teeng hi.

Mattiu 8:5

Kapernaum khua a tun ciangin Rom mi galkap bu khat ama kiangah hong pai-in,

Luka 10:15

No Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi,” a ci hi.

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.

Luka 16:23

Ahi zongin hell khuk sungah gimna thuakin a om hi. A khuadak leh, gamlapi mun khat ah Abraham le Lazaras a om khawm a gal muh hi.

Luka 4:23

Tua ciangin Jesu in amaute kiangah, “Paunak khat ah, ‘Zato pa aw, nangmah kidamsak tawm in,’ a cihna thu kei tungah nong cih nop ding uh ka thei hi. ‘Kapernaum khua ah na bawl thu ka zakte uh zong hih lai na khua ah hong bawl in,’ zong nong ci nuam ding uh hi,” a ci hi.

Sawltak 2:27

Bang hang hiam cih leh misiteʼ gamah kei nong nusiacip kei dinga, na nasem keimah muatna nong thuaksak kei ding hi.

Sawltak 2:31

Pasian in a sep ding thu David in mukhol ahih manin, ‘Misite gam sungah amah kinusia lo a, a sa a muat kei hi,’ ci-in a gen ciangin, Khrisʼ thawhkik nading thu a gengen ahi hi.

Juda 1:7

Sodom khua le Gomorrah khua le a kiim a om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangteʼ etteh dingin tawntung meikuang a thuak uh hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

Mangmuhna 11:8

singlamteh tungah amauteʼ Topa a kithahna mun Sodom ahih kei leh Egypt minkhem a pua khuapi kongzing ah a luanghawm uh kipaidak ding hi.

Mangmuhna 20:13

Tuipi sungah a om misite, tuipi in hong pusuah a, Sihna le Misiteʼ Gam in zong amau sungah a om misite hong pusuah uh hi. Tua ciangin a vekpi-in amauteʼ gamtatna sa tawh kizui-in thu a kikhen hi.

Mangmuhna 6:8

Ka khuadak leh sakol puang khat ka mu a, a tungah a tuang paʼ min pen Sihna hi a, a nungah Hell in a zui hi. Amaute in namsau, kialpi, pulnatna le gamsate tawh leitung mi seh li suah seh khat a thah theih nadingun thu a kipia hi.