Mattiu 11:12 - Tedim Bible Revision 2017

¹² Tuiphumpa Johanʼ thuhilh hun a kipan tu ciang dong, mite in vantung ki-ukna thu hong kituhteh gawp uh a, thahat thu hong ciam uh hi.

Tedim Bible

¹² Baptaizpa Johan pan akipan tu dongin Vantung Gam in zawhthawh bawlna thuak a, a zawhthawh bawlte in gam a sut uh hi.

Mattiu 11:12 Iomraidhean Croise

Mattiu 11:11

Leitung mi khempeuh sung pan Tuiphumpa Johan a lian pen ahi hi. Ahi zongin vantung ki-ukna sungah a neu pen i cihte nangawn Johan sangin lian zaw lai hi.

Mattiu 11:13

Bang hang hiam cih leh Tuiphumpa Johan thuhilh a kipat hun ciang dong, kamsangte khempeuh le Moses Thukham khempeuh in hih vantung ki-ukna thu gen belin a nei uh hi.

Mattiu 3:15

Ahi zongin Jesu in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Luka 13:24

Jesu in amaute kiangah, “Kong kawcik tawnin na lut nadingun hanciam un. Note kiangah kong genin ah, mi tampi tak in lut ding a hanciam uh hangin lut zo lo ding uh hi.

Luka 16:16

“Tuiphumpa Johanʼ hun ciang dong Moses Thukham le kamsangteʼ thugente pen zuih belin kinei a, ahi zongin Pasianʼ Ukna hangin Lungdamna Thu a kihilh hun a kipanin hih thu ah mi khempeuh hong kituhteh uh hi.

Johan 5:4

Bang hang hiam cih leh Topaʼ vantungmi khat in tua bualtui lok thei zel a, tui a kilawh khit ciangin tua lai a tung masa penpen ama natna panin a dam hi.)

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Filippi 2:12

Tua ahih ciangin ka hong it sanggamte aw, note tawh ka hong om khawm lai-in ka thu na hong man tawntung uh mah bangin, tu-in note tawh ka hong om khawm loh hun ciangin zong ka thu na hong man ding uh thupi zaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.