Mattiu 11:11 - Tedim Bible Revision 2017

¹¹ Leitung mi khempeuh sung pan Tuiphumpa Johan a lian pen ahi hi. Ahi zongin vantung ki-ukna sungah a neu pen i cihte nangawn Johan sangin lian zaw lai hi.

Tedim Bible

¹¹ Ke’n aman takpi kong cih-inah, numei sung pan a suakte lakah Baptaizpa Johan sanga lianzaw khat beek a om kei hi. Ahih hangin Vantung Gam sungah a neupen in tuapa sangin a lianzaw hi.

Mattiu 11:11 Iomraidhean Croise

JOB (Job) 14:1

“Mihingte a nuntak hun tom mahmah a, lungkhamna tawh kidim hi.

JOB (Job) 14:4

Mihing banga a ninte sung panin a siang hong piang lo ding hi.

JOB (Job) 15:14

“Mihing a a piang peuhmah paubaang het loin siangtho taktak zo ding ahi hiam? Pasianʼ tungah a thuman zo kua om ding ahi hiam?

JOB (Job) 25:4

Pasianʼ muhna ah kua dik zo dinga, siangtho zo ding ahi hiam?

Late 51:5

A khial sa mahin kei ka suak a, ka nu in a gil sungah hong paii tung a kipan a mawh sa ka hi hi.

Isaiah 30:26

Tua tham loin, Topa in ama miteʼ liamma tuamin ama satna meimate a damsak ni ciangin, khataang pen nitaang bang dinga, nitaang pen ni sagih sunga taang zah bangin a zah sagihin a taang ding hi.

Zekhariah 12:8

Tua ni ciangin Topa in Jerusalem-a a teeng mite hu dinga, a gina lo pente nangawn David zahin thahat ding hi. Davidʼ suanlekhakte in Topaʼ vantungmi le Pasian mahmah bangin amaute a makai ding uh hi.

Mattiu 11:10

Bang hang hiam cih leh Lai Siangtho in Johanʼ thu a genna ah, ‘Na pai nading lampi a hong khol dingin nangma mai ah ka kamtai pa ka sawl hi,’ ci-in Pasian in gen hi, ci-in kigelh hi.

Mattiu 11:12

Tuiphumpa Johanʼ thuhilh hun a kipan tu ciang dong, mite in vantung ki-ukna thu hong kituhteh gawp uh a, thahat thu hong ciam uh hi.

Mattiu 3:1

Tua hun laitakin tuiphumpa Johan hong pai-in, Judea gam sungah thuhilh hong kipan a,

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Mattiu 5:19

Tua ahih manin hih thukhamte lak pan a neu pente khat bek nangawn zui kha loin, midangte in zong a zuih loh nadingin a gen mite pen vantung ki-ukna sungah mi neu pen hi ding uh hi. Ahi zongin hih thukhamte zui-in, midangte in zong a zuih nadingin a hilh mite pen vantung ki-ukna sungah mi lian hi ding uh hi.

Luka 1:15

Topaʼ muhna ah amah mi lian khat hi ding hi. Amah in leenggahzu ahi a, khamtheih zu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Luka 7:28

Johan pen leitung mihing sung khempeuh panin a lian pen ahi hi. Ahi zongin Pasianʼ Ukna sunga a om mi a neu pen i cihte nangawn Johan sangin lian zaw lai hi,” a ci hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neu pen pa a lian pen pa ahi hi,” a ci hi.

Johan 1:15

Johan in ama thu gen a, “Keima nungah hong pai hi napi-in keima suah ma-in amah om khin ahih manin kei sangin amah lian zaw hi,” ci-in ka gen pa pen hih pa ahi hi, ci-in a kiko hi.

Johan 1:27

Keima khit ciangin note lakah amah in nasep hong kipan ahih hangin, kei pen ama khedap khau a sutsak ding nangawnin ka kilawm zo nai kei hi,” ci-in a dawng hi.

Johan 10:41

Ama kiangah mi tampi tak hong kikhawm uh a, “Johan in nalamdang bangmah bawl lo hi. Ahi zongin Johan in hih mipa thu a gen khempeuh a vekpi-in mankim hi,” a ci uh hi.

Johan 3:30

Amah lian semsem dinga, kei ka hih leh ka neu semsem ding hi.

Johan 5:35

Johan pen meivak bangin kuangin a taang hi a, ama khuavak sungah tawl khat nuamsa-in om ding na ut uh hi.

Johan 7:39

Jesu in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasianʼ pianzia nei-in sihna panin Jesu kithokiksak nai lo ahih manin Kha Siangtho kipia khia nai lo hi.

1 KORIN MASA 15:9

Bang hang hiam cih leh kei pen Pasianʼ pawlpi a bawlsia mipa ka hih manin sawltak cih dingin zong a kilawm lo zah dongin sawltakte lakah a neu pen ka hi hi.

1 KORIN MASA 6:4

Tua bang hi napi-in hih bang thu themthem hong pian ciangin pawlpi sungah bangmahin a kisim lo miteʼ mai kitun ding na hi uh hiam?

Efesa 2:3

A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasianʼ hehna hangin gim a thuak dingte ihi hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

2 TIMOTI NIHNA 1:10

tu hun ciangin eite hong Honpa Khris Jesu tungtawnin a dikna hong langsak ta hi. Tua Jesu in sihna beisak a, lungdamna thu hangin sih nawn lohna thu a hong kilangsak hi.

Hebru 11:40

Bang hang hiam cih leh Pasian in eite adingin a hoih zaw-in thu hong vaihawmsak a, amaute tawh eite i kikop ciangin amaute a cingtaak ahih theih phing nading uh Pasianʼ geelna ahi hi.

1 PETER MASA 1:10

Kamsangte in hih hotkhiatna thu mah kanin ngaihsut belin nei uh a, Pasian in note tungah a hong piak ding thupha mah, kamsangte in gen belin a neih uh ahi hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.