Mattiu 11:10 - Tedim Bible Revision 2017

¹⁰ Bang hang hiam cih leh Lai Siangtho in Johanʼ thu a genna ah, ‘Na pai nading lampi a hong khol dingin nangma mai ah ka kamtai pa ka sawl hi,’ ci-in Pasian in gen hi, ci-in kigelh hi.

Tedim Bible

¹⁰ Lai Siangtho sungah a kigelh bangin: ‘En in, na pai nading lam sial ding, Na mai-ah ka sawltakpa ka paisak ding hi,’ a cihna in tua mipa a cihna ahi hi.

Mattiu 11:10 Iomraidhean Croise

Isaiah 40:3

Awging khat in, “Gamlak ah Topa’ lampi sial unla, sehnel gam sungah i Pasian ading lam lianpi khat a tangin bawl un.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Malakhi 4:5

“Ahi zongin tua a lauhuai lian mahmah Topaʼ ni hong tun ma-in note kiangah kamsang Elijah kong paisak ding hi.

Mattiu 11:11

Leitung mi khempeuh sung pan Tuiphumpa Johan a lian pen ahi hi. Ahi zongin vantung ki-ukna sungah a neu pen i cihte nangawn Johan sangin lian zaw lai hi.

Mattiu 11:3

“Nang pen a hong pai ding pa na hi hiam, tua ahih kei leh a dang na lamen lai ding ka hi uh hiam?” ci-in a dongsak hi.

Mattiu 3:3

Kamsang Isaiah in, “Gam sungah mi khat kiko a, ‘Topaʼ pai nading lampi bawl unla, a tot ding lampi tangsak un,’ ci hi,” ci-in a gen ciangin hih Johanʼ thu a gen ahi hi.

Marka 1:2

Kamsang Isaiah Lai Siangtho sungah, “Nangma mai ah ka kamtai pa ka sawl a, amah in na pai nading lampi a bawl khol ding hi.

Luka 1:76

“Nang, ka tapa na hi a, Lianpen Pasianʼ kamsang pa hong kici ding hi. Ama pai nading lampi a bawl khol dingin Topaʼ mai ah na mapai ding hi.

Johan 1:23

Johan in, “Kamsang Isaiah in a na gen mah bangin, ‘Topaʼ tot ding lampi na tangsak un,’ ci-in gam sungah a kiko pa ka hi hi,” ci-in a dawng hi.