Mattiu 10:8 - Tedim Bible Revision 2017

⁸ Cinate damsakin, misite hingsakin, miphakte damsakin, dawite va hawl khia un. Man piak kul loin hih vangliatna na ngah uh bangin hih vangliatna na zatna uh ah zong man va ngen kei un.

Tedim Bible

⁸ Cinate na damsak un, misite na hing kiksak un. Miphakte na dam sak un. Dawite na hawlkhia un. Man piak lohin na ngah uh bangin, man sang loin na pia un.

Mattiu 10:8 Iomraidhean Croise

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Gamlak-vakna 18:7

Nang le na tapate in biakna tau tawh kisai nate le dalna puan sunga om nate khempeuh ah na siampi nasep uh na sem ding uh hi. Na siampi nasep uh letsongin kong piak hi a, midangte in hong sep leh kithat ding hi,” a ci hi.

Mattiu 10:1

Jesu in a nungzui sawm le nihte sam a, dawite a hawlkhiat theih nading uh le natna nam khempeuh a damsak theih nadingun amaute tungah vangliatna a pia hi.

Mattiu 10:7

Na paina peuh uh ah, ‘Vantung ki-ukna hong nai ta hi,’ ci-in thu va hilh un.

Mattiu 10:9

Kham ahi a, ngun ahi a, sumngo ahi zongin sum peuhmah na ip sung uh ah keng kei un.

Marka 16:18

Gul a lawn hangun bangmah ci lo ding uh a, gu tui a dawn hangun zong bangmah ci lo ding uh hi. Cinate tungah a khut uh nga ding uh a, cinate dam ding uh hi,” a ci hi.)

Luka 10:9

tua khua sunga cinate damsak un. A khua mite kiangah, ‘Pasianʼ Uk nading hun note adingin hong nai ta hi,’ ci-in gen un.

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesu Khris min tawh, dingin lam na pai nadingin thu kong pia hi,” a cih khit ciangin,

Sawltak 4:30

Cinate damsak theih nading vangliatna hong pia inla, a siangtho na Nasem pa Jesuʼ min tawh nalamdang kibawl tahen,” a ci uh hi.