Mattiu 10:6 - Tedim Bible Revision 2017

⁶ Tuu bangin a mangthang Israel mite lakah va pai zaw un.

Tedim Bible

⁶ Israel pawl a gammang tuute kiangah na pai zaw un,

Mattiu 10:6 Iomraidhean Croise

Late 119:176

A gammang tuu bangin lam ka pial khin hi. Tua ahih manin na nasem pa hong zong in. Bang hang hiam cih leh nangma thupiaknate ka pelh kei hi.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi. Topa in eite khempeuhʼ mawhnate ama tungah a suan hi.

Jeremiah 50:17

“Israel mite, humpinelkai in a delh mang tuu tawh a kibang uh hi. A masa-in Assiria kumpipa in ne a, tu-in a tawpna ah Babylon kumpipa Nebukhadnezzar in a guh dongin a teeptum hi.

Jeremiah 50:6

“Ka mite tuu mangthang bang a hi khin uh hi. Makai tuucingte in mual tung tengah lam khialin a gam man pih uh hi. Mual khat panin mual khat ah a pai kawikawi uh a, a giahna inn uh a thei nawn kei uh hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Ezekiel 34:4

Tuu zawngkhalte na khoi kei uh a, a cinate damsak loin, a liamnate na tuamsak kei uh hi. A lampialte na khiang kei uh a, a mangte na zong kei uh hi. Tua bang bek hi loin, ngong bawlin na uk gawp zawsop uh hi.

Ezekiel 34:6

Tua ahih manin ka tuute kithehthang gawp uh a, mualtungte le mual sang tung khempeuh ah vak mang uh hi. Leitung gam khempeuh ah ka tuute kithehthang uh a, kuamah in zon ding kan dingin ngaihsun lo uh hi.

Ezekiel 34:8

Kei pen a nungta Topa Pasian ka hih takpi mah bangin, keima thu nong ngaih zawk ding uh hi napi-in, tu-in a cing om lo ahih manin gamsate in ka tuute manin thatin a ne uh hi. Ka tuu a cingte in a tuu uh zong lo uh a, amau pumpi bek mah kivakin ka tuute vak lo uh hi.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

Mattiu 18:11

Bang hang hiam cih leh Mihing Tapa pen a mangthang mite a hon dingin a hong pai ahi hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui baangte sinsanin, “Pasian tawh kikhenin siatna na tuah uh leh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Sawltak 3:26

Eite khempeuh i gitlohna panin kikheelin thupha a hong piak theih nadingin Pasian in a Nasem dingin Jesu teelin, eite kiangah a hong sawl masa ahi hi,” ci-in thu a gen hi.

1 PETER MASA 2:25

Note, tuu bangin a gammang na hi uh a, ahi zongin noteʼ kha nuntakna hong Cingin hong Kem pa a zui dingin a hong kiciahpihkik khin na hi uh hi.