Mattiu 10:41 - Tedim Bible Revision 2017

⁴¹ Pasianʼ thugen ahihna hangin Pasianʼ thugen mi a sangte in Pasianʼ thugenteʼ thaman ngah dinga, mihoih hihna hangin mihoih a sang mite in mihoihteʼ thaman ngah ding uh hi.

Tedim Bible

⁴¹ Pasian’ kamsangpa in kam sangpa ahih maninah, tua kamsangpa a ngaite in Pasian’ kamsangpa’ phattuamna a ngah ding hi. Misiangtho in mi siangtho ahih maninah, tua misiangtho a ngaite in misiangtho’ phattuamna a ngah ding hi.

Mattiu 10:41 Iomraidhean Croise

Piancilna 20:7

Tua ahih ciangin tu-in mipaʼ zi piakik in. Bang hang hiam cih leh amah, kamsang khat hi a, amah in nang adingin thu hong ngetsak dinga, nang na nungta ding hi. Ahih hangin nang in tua numei na piakkik kei leh nang le na mi khempeuh na sih taktak ding uh thei in,” a ci hi.

Isaiah 3:10

Amaute tungah thu hoih ding hi, ci-in thuman mite kiangah hih thu gen un. Bang hang hiam cih leh amaute in amauʼ gamtat hoih thaman ngah ding uh hi.

Mattiu 16:27

A Paʼ minthanna vang le a vantung mite tawh Mihing Tapa hong paikik dinga, mi khempeuh amauʼ gamtatna ciat tawh a kizui-in a thuk ding hi.

Mattiu 25:44

Tua ciangin amaute in zong, ‘Topa aw, cikin na gilkial hong mu a, cikin na dangtak hong mu a, cikin khualmi na hih hong mu a, cikin na puan neih loh hong mu a, cikin na cinat hong mu a, cikin na thongkiat hong mu a, cikin kote in nang hong huh nuam lo ka hi uh hiam?’ a ci ding uh hi.

Mattiu 25:45

Tua ciangin amah in, ‘Note kiangah kong genin ah: Hih mite a neu pen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

Mattiu 6:1

“Biakna tawh kizomin na hoih khat peuhpeuh na sep uh ciangin miteʼ phat ding deihna tawh a kilang theithei dingin na sep khak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Mattiu 6:18

Tua hileh midangte in na an tanlam uh a theih loh hangin na muh theih loh na Pa un hong thei veve dinga, kuama theih lohin na tanlam uh a hong thei na Pa un noteʼ tungah thaman hong pia ding hi.

Mattiu 6:4

kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi.

Mattiu 6:6

Ahi zongin thu na nget uh ciangin na inn sung uh ah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un noteʼ tungah thaman hong pia ding hi.

Mattiu 7:8

Bang hang hiam na cih uh leh a ngente khempeuh in ngah ding uh a, a zongte khempeuh in mu ding uh a, a kiute khempeuh ading kong kihon ding hi.

Sawltak 16:15

Amah le a inn sunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak uh leh hong pai unla, ka inn ah hong tung un,” ci-in hong samin a hong zol hi.

ROM (Romans) 16:23

Keima zintunna pa le pawlpiteʼ kikhopna inn nei pa zong ahi Gaias in zong hong hopih hi. Ka omna khuapi sumkem pa Erastas le i Khristian sanggam Kuartas in zong hong hopih uh hi.

1 KORIN MASA 9:17

Keima utthu tawh a sem hi leng sep thaman ka lamen ding hi. Ahi zongin Pasian in a sem dingin hong sawl ahih manin ka sep ding nasep a sem ka hi hi.

Hebru 6:10

Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

2 JOHAN NIHNA 1:8

Tua ahih ciangin na sep sa uh thuman taan kha loin, a kimtakin na ngah theih nadingun limtakin kidawm un.