Mattiu 10:4 - Tedim Bible Revision 2017

⁴ Simon (gam khual pa) le Jesu a lehhek Iskariotʼ tapa Judas ahi uh hi.

Tedim Bible

⁴ Kanaan mi Simon leh Zeisu a lehheekpa Judah Iskarot-te ahi uh hi.

Mattiu 10:4 Iomraidhean Croise

Mattiu 26:14

Tua ciangin sawm le nihte sung panin Iskariotʼ tapa Judas a kici mipa siampi liante kiangah va pai a,

Mattiu 26:15

“Noteʼ khut sungah amah hong pia leng, note in kei bang tawh hong guai ding na hi uh hiam?” a cih ciangin ngun peek sawm thum a pia uh hi.

Mattiu 26:2

“Na theih sa uh mah bangin tu zawh ni nih khit ciangin Paisan Pawi hun hong tung ta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Mattiu 26:47

Tua bangin Jesu in thu a gen laitakin sawm le nihte sung panin Judas hong tung a, siampi liante le upate in a hong sawl, namsau le molhtum a tawi mihonpi tawh hong tonkhawm hi.

Mattiu 27:3

A lehhek pa Judas in Jesu a si dingin thu a kikhenna a muh ciangin kisikkik ahih manin siampi liante le upate kiangah a ngun peek sawm thumte va paipihkik a,

Marka 14:10

Tua laitakin sawm le nihte sung pan Iskariotʼ tapa Judas in amaute tungah Jesu a piak theih nadingin siampi liante kiangah a va pai hi.

Marka 14:43

Tua bangin Jesu in thu a gen laitakin sawm le nihte sung panin Judas hong tung a, siampi liante, Thukham hilh siate le upate in a sawl mihonte in namsau le molhtum tawi-in hong zui uh hi.

Luka 22:3

Tua ciangin sawm le nihte sung panin Iskariot tapa Judas sungah Satan hong lut hi.

Luka 22:47

Tua bangin thu a gen laitakin mihonpi khat hong pai a, sawm le nihte sung panin Judas a kici mipa hong makai-in Jesu a nam dingin hong naih hi.

Johan 13:2

Jesu le a nungzuite nitak an ne-in a tukhawm uh hi. Tua hun laitakin dawimangpa in Simon Iskariotʼ tapa Judasʼ lungsim sungah Jesu lehhek nading ngaihsutna koih khinzo hi.

Johan 6:64

Tua hi napi-in note pawl khat in na um kei uh hi,” a ci hi. (Jesu in a kipat cil pek a kipanin kua teng in ama thu um dinga, kua teng in amah lehpei ding cih thu thei khinzo hi.)

Johan 6:71

Sawm le nihte sung panin amah a lehpei ding ahih manin Simon Iskariotʼ tapa Judas thu a genna ahi hi.

Sawltak 1:13

Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeasʼ tapa James, Simon (gam khual pa) le Jamesʼ tapa Judas a tunna uh inn dei ah a kah to uh hi.