Mattiu 10:28 - Tedim Bible Revision 2017

²⁸ Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Tedim Bible

²⁸ Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Mattiu 10:28 Iomraidhean Croise

2 KUMPI NIHNATE 17:39

ahih hangin Topa na Pasian uh na kihta ding uh hi. Tua ciangin amah in na galte khempeuh uh khut sung panin note hong hon khia ding hi,” a ci hi.

JOB (Job) 37:24

Tua ahih manin mi khempeuh in amah a zahtakna, mipil a kisate amah in a don lohna, lamdangsak ding hi lo hi.” a ci hi.

Late 119:120

Nang kong zahtakna hangin ka khuasikmul suak a, na thukhennate ka zahtak hi.

Thuhilh-sia 5:7

Mang tam man leeng a mawkna mah tam a, kam tam pau leeng zong a kituak mahin a mawkna thu mah kibehlap hi; bangbang ahi zongin Pasian zahtak lai veve in.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

Jeremiah 5:22

kei hong kihta lo na hi uh hiam, Topa in kong ci hi. Keima mai ah liing lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin zuazua uh hangin kantan zo tuan lo uh hi.

Mattiu 10:26

“Tua ahih manin kuamah kihta kei un. A kiseelte khatvei teitei kimu dinga, thusimte khatvei teitei thulang suak ding hi.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Johan 5:29

han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahihleh mawhsak thukhenna a thuak dingin hong thokik ding uh hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua ah khihcipna a thuak ding bek hi loin, Topa Jesu hangin a si ding ciang dongin a kithawi sa ka hi hi,” ci-in a hong dawng hi.

Hebru 10:31

A nungta Pasianʼ khut sungah thumang loin i tun khak ding a lauhuai mahmah ahi hi.

Hebru 11:35

Numeite in a sihsuah mite uh, thawhkikna tawh a ngahna uh zong a upna uh hang mah ahi hi. Mi pawl khatte in a hoih zaw nuntakna ah a thawhkik theih nadingun leitungah suahtak ding ut tuan loin bawlsiatna thuakin a si uh hi.

Jeim 4:12

Thukham a pia pa le thu a khen pa pen Pasian bek hi a, amah bek in hong hon khia zo a, hong susia zo hi. Tua ahih manin bang hangin na mipihte uh gensia-in thu a khen thei dingin kingaihsun zenzen na hi uh hiam?

1 PETER MASA 3:14

A hoihin na gamtat manun gimna na thuak uh leh zong Pasian in thupha hong pia ding hi. Mite kihta kei unla, lunghihmawh ngaihsut kei un.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.