Mattiu 10:20 - Tedim Bible Revision 2017

²⁰ Thu na gen uh ciangin noteʼ gen hi loin, na Pa uhʼ Kha Siangtho in note tungtawnin thu a gen ding ahi hi.

Tedim Bible

²⁰ Bang hang hiam na cih uh leh, note a gen ding na hi kei uh hi; na Pa uh’ Kha Siangtho in note tungah a gen ding hi.

Mattiu 10:20 Iomraidhean Croise

2 SAMUEL NIHNA 23:2

“Topaʼ kha in kei tungtawnin thu hong gen a, ka kam sungah ama thugente om hi.

Paikhiatna 4:12

Tua ahih ciangin tu-in pai in. Keimah in na thugenna ah kong huh dinga, na thugen ding nang kong hilh ding hi,” a ci hi.

Mattiu 6:32

(Gentail mite in lunghihmawh penin a neihte uh hih bangte ahi hi.) Hih nate khempeuh na kisap lamtak uh vantungah a om na Pa un a thei hi.

Marka 12:36

Kha Siangthoʼ sawlna tawh David mahmah in thu gen a, ‘Topa in keima Topa tungah thu gen hi: Na galte, na khe nuai ah ka koih matengin, ka tak lamah na tu in,’ ci hi.

Luka 11:13

Note mihoih lo hi napi-in na tate uh tungah a hoih piak ding theithei na hih uh leh, vantung a om na Pa un a ngente tungah Kha Siangtho pia zaw kan ding hi lo ahi hiam?” a ci hi.

Luka 12:12

Bang hang hiam cih leh a hun a tun ciangin Kha Siangtho in na gen ding teng uh hong hilh ding hi,” a ci hi.

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

Sawltak 13:9

Tua ciangin Saul (Paul zong a kici pa) Kha Siangtho tawh kidimin tua mipa limtakin en a,

Sawltak 2:4

Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

Sawltak 28:25

Tua ciangin Paul in, “Kha Siangtho in kamsang Isaiah tungtawnin na pu na pate uh tungah a thugen man mahmah hi. Tua a genna ah, ‘Pai inla, hih mite tungah hih bangin va gen in: Thu na ngaihngaih uh hangin na tel kei ding uh a, na etet uh hangin na mu kei ding uh hi. Bang hang hiam cih leh hih mite lungsim mawk a, a bil uh humcip uh a, mit sicip uh hi. Tua bang hi kei le-uh, a mit un khua mu dinga, a bil un khua za dinga, a lungsim un thu mu thei ding hi. Tua bang hileh kei lamah hong kihei ding uh a, keimah in amaute ka damsak ding hi,’ ci-in a gen hi,” a cih khit ciangin amaute khatlekhat kithutuak loin a paikhia uh hi.

Sawltak 4:8

Tua ciangin Kha Siangtho tawh kidimin Peter in dawng a, “Makaite le upate aw,

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

2 KORIN NIHNA 13:3

Khris in keima tungtawnin thu hong gen taktak mah ahi hiam, ci-in theihtelna na deih uh mah bangin tu-in na deihdeih uh na thei ta ding uh hi. Note tungah amah in na hong sep ciangin hong dam hih het loin khauh takin hong hih ding hi.

1 THESALONIKA MASA 2:13

Note kiangah Pasianʼ thu kong gen uh ciangin no thu um mite sungah ama thu tawh kisai-in Pasian in na hong sem ahih manin koteʼ thugente pen Pasianʼ thu taktak ahih mah bangin koteʼ thugenna na zak uh ciangin mihingʼ thu bangin ngaihsun loin Pasianʼ thu taktak mahin hong sang na hih manun, hih thu hangin zong Pasianʼ tungah ka lungdamna uh ka ko uh hi.

1 PETER MASA 1:12

Vantung panin a hong kisawl Kha Siangthoʼ vangliatna tawh thu a gen thupuakteʼ tung panin na zak uh Thute mah kamsangte in a gen laitakun, tua a thugente uh amaute ading hi loin note ading ahihna thu, Pasian in tua kamsangte tungah a na gen zo hi. Vantung mite nangawn in hih thute a theih tel nop khat uh ahi hi.

2 PETER NIHNA 1:21

Bang hang hiam cih leh mihingte in a deih manin mailam thugen kholh theihna a kingah hi lo a, Kha Siangthoʼ sawlna tawh Pasianʼ kiang panin a hong pai thute a kigen ahi zaw hi.