Mattiu 10:17 - Tedim Bible Revision 2017

¹⁷ Mi pawl khatte in note hong manin zumah hong paipih ding uh a, amauteʼ kikhopna inn sungah hong sat gawp ding uh ahih manin hoihtakin kidawm un.

Tedim Bible

¹⁷ Mite na kikeem un. Bang hang hiam na cih uh leh, amau in upa vaihawmte thukhenna inn sungah kikhopna inn sungah note hong sat ding uh hi.

Mattiu 10:17 Iomraidhean Croise

Micah 7:5

Na veengteʼ thu upin nei kei inla, na lawmte zong muanin nei kei in. Na ang a lum na zi kiang nangawn ah thu na gen ding kidawm in.

Mattiu 10:18

Keima hangin gam ukte le kumpite mai ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gen theih nading hunhoih a nei na hi uh hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihingkiksak ding hi,” ci-in a tuamin thu a hilh hi.

Mattiu 23:34

Note kiangah kamsangte, mipilte le siate ka hong paisak ding hi. Note in pawl khatte thatin, pawl khatte singlamteh tungah khai-in, pawl khatte na kikhopna uh inn sungah na sat ding uh a, khua khat pan khua khat ah a banbanin na bawlsia ding uh hi.

Mattiu 26:59

Siampi liante le uliante in Jesu a thah theih nadingun zuau teci a pang ding mi a zong uh hi.

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Marka 13:12

Unau khatlekhat a sih nadingun kikhia ding uh a, pa in a ta khia-in, ta in a nu le a pate khia-in a thatsak ding uh hi.

Marka 13:9

“Limtakin kidawm un. Note hong kimanin thukhen zumah hong kipaipih dinga, kikhopna inn sungah zong hong kisat ding hi. Ukpite le kumpite mai ah keima thu gen nading hun na ngah ding uh hi.

Luka 12:11

Thusitna a thuak dingin kikhopna inn ah ahi a, hausa zumah ahi zongin hong paipih uh ciangin bang gen dinga, bangci kihut ding ka hi hiam, ci-in lunghimawh kei un.

Johan 11:47

Tua ahih manin siampi liante le Farisi mite in thu vaihawm uliante tawh kikupna khat nei uh a, “Hih mipa in nalamdang tampi bawl ahih manin bang cih ding ihi hiam?

Johan 16:2

Amaute in a kikhopna uh innte panin note hong hawl khia ding uh hi. Note hong that mite pen Pasianʼ nasemin a kingaihsut ding uh hun hong tung ding hi.

Sawltak 17:14

Tua ciangin thu um mite in tuipi gei ah Paul paikhiatpih uh a, ahi zongin Silas le Timoti pen Berea khua ah a taam lai uh hi.

Sawltak 22:19

Kei zong, ‘Kikhopna innte ah pai kawikawi-in nangma thu hong um mite manin ka sat gawpna thu amaute mahmah in teltakin hong thei uh hi.

Sawltak 26:11

Kikhopna inn khempeuh ah amaute gim ka thuaksak zelzel a, a thu upnate uh ka khawlsak hi. Amaute tungah heh lua mahmah ka hih manin gamdang nangawn ah pai-in thu umte ka bawlsia hi.

Sawltak 9:2

Topaʼ thu a zui mi numei pasal a muh peuhpeuh manin Jerusalem khua ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

Filippi 3:2

Ui bangin a mi ginalo, a gitloh gamtat, vun at ding a ci teiteite kiang panin na kidawm un.

2 TIMOTI NIHNA 4:15

Amah in i thuhilhna nakpi takin nial ahih manin amah tawh kisai ah nangma pumpi kidawm mahmah in.

Hebru 11:36

Mi pawl khat in simmawhna, satna, sikkol bulhna le thongkiatna zong a thuak uh hi.