Mattiu 10:15 - Tedim Bible Revision 2017

¹⁵ Thukhen ni ciangin tua khua miteʼ thuakna sangin Sodom khua le Gomorrah khua miteʼ thuakna ol zaw lai ding ahihna thu hoihtakin phawk un.

Tedim Bible

¹⁵ Ke’n aman takpi kong cih-inah, thukhen ni ciangin tua khua in, Sodom leh Gomorrah khuate sangin a thuakzaw ding hi.”

Mattiu 10:15 Iomraidhean Croise

Mattiu 12:36

Note kiangah kong genin ah: Thukhen ni ciangin mi khempeuh in phattuamna a om lo a kampaunate uh khempeuh bangin thusitna a thuak ding uh hi.

Mattiu 5:18

Hoihtakin na phawk ding uh thu panin: Vanlelei a bei mateng, hih thukhamte a neu pen khat nangawnʼ deihna tangtung lopi-in mawk mai lo ding hi.

Mattiu 7:22

Tua ni ciangin mi tampi in kei kiangah, ‘Topa, Topa aw, nangma min tawh thu hilhin, nangma min tawh dawite hawl khia-in, nangma min tawh nalamdang lian tampi bawl hi lo ka hi uh hiam?’ hong ci ding uh hi.

Marka 6:11

Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amauteʼ thukhen ding ahi hi.

Johan 6:39

Kei hong sawl paʼ deihna in: Ka khut sungah a hong piak mi khempeuh khat zong khahsuah loin nitawp ni ciangin ka hinsakkik ding ahi hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

1 KORIN MASA 3:13

Tua a kilam nate mei tawh a kize-et ding Ni hong tung dinga, tua nasepnate a bangci hiam, ci-in mei in ze-et ding ahih manin a lam miteʼ nasep ciat hong kilang ding hi.

1 THESALONIKA MASA 5:4

Ahi zongin sanggamte aw, note na hih uh leh khuamial gamtatnate gamta lo na hih manun guta bangin tua Ni hong tun vat ciangin lamdang na sa kei ding uh hi.

Hebru 10:25

Mi pawl khatte in kikhop a pelh bang hi loin, eite in kikhop khawmnate pelh loin om ni. Topaʼ hong pai ding Ni hong naina thu thei ihih manin khatlekhat kihanthawn semsem zaw ni.

2 PETER NIHNA 2:6

Pasian in Sodom le Gomorrah khuapite tungah thu khenin mei tawh hal tum a, Pasian a um lo miteʼ thuak nading limin a bawl hi.

2 PETER NIHNA 2:9

Tua ahih manin Topa in tua bang mihoihte a gimna uh panin suaktasakin, tua bang migilote Thukhen Ni hun dongin gimna pia-in a koihcip theih nading siamna a nei hi.

2 PETER NIHNA 3:7

Tu-in tua Pasianʼ kampauna mah tawh, mei tawh hal tum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.

1 JOHAN MASA 4:17

Thukhen Ni ciangin kisuanna nei het loin i om theih nadingin eite in a cingtaak itna a nei ihi hi. Khris mah bangin hih leitung i nuntakna ah nungta-in gamta ihih manin tua bang kisuanna a nei lo ding ihi hi.

Juda 1:6

Amauʼ aana neih huam sung bekah om loin a omna panun a paikhia vantung mite zong leinuai khuamial sungah sikkol kibulhin amauʼ thu a kikhen ding Ni lianpi ngakin Pasian in a koihcip hi.

Juda 1:7

Sodom khua le Gomorrah khua le a kiim a om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangteʼ etteh dingin tawntung meikuang a thuak uh hi.