Mattiu 1:22 - Tedim Bible Revision 2017

²² Topa in kamsang pa tungtawnin a gen sa thu a tun theih nadingin hih thute a piang ahi hi. Tua a genna ah,

Tedim Bible

²² Tua thu khempeuh in Topa in a kamsangte tungah a genkholh bangin a tun’ nading ahi hi. Tua thu genna in:

Mattiu 1:22 Iomraidhean Croise

1 KUMPI MASATE 8:15

Tua ciangin amah in, “‘Egypt panin ka mi Israel-te ka paikhiatpih a kipanin keima min a om theih nadingin biakinn khat lam nading Israel minam khempeuh sungah khuapi khat zong ka teel kei hi. Ahih hangin ka mi Israel-te tungah a uk dingin David ka teel hi,’ ci-in ka pa David tungah a kam tawh a ciam sa a tungsak Israel Pasian, Topa in thupha ngah tahen.

1 KUMPI MASATE 8:24

Na nasem ka pa David tungah na gen sa thu na kipsak hi. Nangmah in na kam tawh na gen a, tu ni-in na tungsak hi.

Ezra 1:1

Persia kumpi Sairasʼ uk kum khatna kumin, Jeremiah tungtawnin Topaʼ thugen a tun theih nadingin, ama gam sung khempeuh ah taangkona khat bawlin lai-in zong a gelh nadingin Persia kumpi Sairasʼ lungsimah Topa in a suaksak hi. Amah in hih bangin a hih hi:

Mattiu 13:21

Ahi zongin amaute sungah thuktum zo lo ahih manin tawl khat sung bek um uh hi. Tua ahih manin Pasianʼ thu hangin haksatna ahi a, bawlsiatna ahi zongin khat peuhpeuh a tun ciangin tawpkik pah uh hi.

Mattiu 13:35

Hih bangin thu gentehna a zatna pen kamsang Isaiah in, “Thu gentehna zangin thu ka gen dinga, leitung piancil a kipan a kithei lo thute ka gen ding hi,” ci-in a gen kholhsakna thu a tun nading ahi hi.

Mattiu 2:15

Herod a sih hun ciang dong tua gamah a va om uh hi. Kamsang pa tungtawnin Topa in, “Egypt gam panin ka Tapa ka sam khia hi,” ci-in a genna thu a tun nadingin hih bangin a piang ahi hi.

Mattiu 2:23

Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Mattiu 5:17

“Moses Thukham le kamsangteʼ thuhilhnate a phiat dingin hong pai hi, ci-in hong ngaihsun kei un. Tuate a phiat dingin a hong pai hi loin, amauteʼ hilhna a kicingsak dingin a hong pai ka hizaw hi.

Mattiu 8:17

Kamsang Isaiah in, “Amah in eiteʼ natna teng thuakin, eiteʼ gimna teng pua khia hi,” ci-in a genna thu a tun nadingin hih bang a piang ahi hi.

Luka 21:22

Bang hang hiam cih leh Lai Siangtho sungah a kigelh mah bangin, ‘Gim Piak Ni,’ ahi hi.

Luka 24:44

Tua ciangin Jesu in amaute kiangah, “Tu-a thupiang khempeuh pen note tawh kong om khawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Johan 10:35

Lai Siangtho sungah a kigelh thute a tawntungin a thuman hi a, Pasianʼ thu a ngah mite pen Pasian in, ‘pasian-te,’ na ci hi.

Johan 15:25

Amauteʼ Thukham sungah, ‘Thu om lopi-in kei hong mudah uh hi,’ ci-in a kigelhna thu a tun theih nadingin a hici mah ding ahi hi.

Johan 17:12

Amaute tawh ka om khawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa sim loh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Johan 18:9

Hih bang a cihna pen, “Kei na hong piak sate khat zong ka kisamsak kei hi,” ci-in a thugenna a tun nading ahi hi.

Sawltak 3:18

Ama Khris in a thuak nading thu, Pasian in tanglai pekin kamsangte khempeuh tungtawnin gen khol a, tu-in hih bangin a thugen kholhna a hong tungsak ahi hi.

ROM (Romans) 1:2

Pasian in kamsangte tungtawnin hih Lungdamna Thu a gen sa hi a, Lai Siangtho sungah a om sa thu ahi hi.

Mangmuhna 17:17

Bang hang hiam cih leh Pasian in ama thugente a tun theih nadingin ama deihna bangin amaute in a sepnop nading uh lungsim guan a, lungsim kikhatin ganhing tungah amauʼ ukna aana a piasak hi.