Mattiu 1:21 - Tedim Bible Revision 2017

²¹ Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Tedim Bible

²¹ Amah in tapa a nei ding hi. Tua tapa in ama mipawlte’ mawhnate sung pan a gumkhia ding ahih ciangin a min Zeisu na phuak ding hi,” ci-in a hilh hi.

Mattiu 1:21 Iomraidhean Croise

Piancilna 17:19

Pasian in, “Hi lo hi. Na zi Sarah in nang adingin tapa khat nei dinga, ama min Isaac na phuak ding hi. Ama khit cianga a suanlekhakte adingin tawntung thuciam nadingin ka thuciamna amah tawh ka kipsak ding hi.

Piancilna 17:21

Ahih hangin, kum kik tu hun ciangin Sarahʼ sung panin nang aʼ dinga hong suak ding Isaac tawh ka thuciamna ka kipsak ding hi,” a ci hi.

Piancilna 18:10

Amaute khat in, “Tu zawh kha kua khit ciangin kong paikik taktak dinga, na zi Sarah in tapa khat nei ding hi,” a ci hi. Sarah in ama nung puanbuk kongah na ngai hi.

Jeremiah 23:6

Ama hun hong tun ciangin Judah mite kihon khia dinga, Israel mite lungmuang takin a teeng ding uh hi. Amah a kilawh nadingin a min, ‘Topa, Eiteʼ Diktanna,’ ci-in a kiphuak ding hi.

Jeremiah 33:16

Tua ni ciangin Judah mite kihon khia dinga, Israel mite lungmuang takin a teeng ding uh hi. Amah a kisap nadingin a min ‘Topa, Eiteʼ Diktanna,’ ci-in a kiphuak ding hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Mattiu 1:25

Ahi zongin tua tapa a suah hun dongin a zi luppih lo a, a suah ciangin a min dingin Jesu a phuak hi.

Luka 1:13

Ahi zongin vantungmi in ama kiangah, “Zekhariah aw, lau kei in. Pasian in na thungetna hong za khin a, na zi Elizabeth in tapa khat a nei ding hi. A min dingin Johan na phuak ding hi.

Luka 1:31

Nang gai-in tapa khat na nei dinga, a min dingin Jesu na phuak ding hi.

Luka 2:11

Tu ni-in David khuapi sungah, note a hong hon khia ding Khris Topa a suak hi.

Luka 2:21

Naungek a vun a ki-at ni hun nipikal khat a cin khit ciangin, amah a kipaii ma-in a min dingin vantungmi in a piak sa ahi Jesu, a min dingin a phuak uh hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Johan 4:42

Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Hon khia ding pa taktak hi, ci-in thei ka hih manun a um ka hi uh hi,” a ci uh hi.

Sawltak 13:23

Pasian in ama ciam sa bangin Israel mite a hon khia dingin hih Davidʼ suan sung pan Jesu a bawl hi.

Sawltak 3:26

Eite khempeuh i gitlohna panin kikheelin thupha a hong piak theih nadingin Pasian in a Nasem dingin Jesu teelin, eite kiangah a hong sawl masa ahi hi,” ci-in thu a gen hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

Sawltak 5:31

Israel mite kisikkikin Pasian in a mawhna uh a maisak theih nadingin Ukpi le Honpa-in tua Jesu bawlin ama tak lamah a tusak hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawl khat ihi a, ama Tapa Jesuʼ sisan in i mawhna khempeuh panin eite hong siangsak hi.

1 JOHAN MASA 3:5

Khris pen mawhna a nei het lo hi a, miteʼ mawhna a la khia dingin Khris hong kilang ahihna thu na thei uh hi.

Mangmuhna 7:14

“Ka thei kei hi, topa aw. Nangmah in na thei zaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawp siangin Tuuno sisan tawh a paaksak uh ahi hi.

Thukhente 13:3

Topaʼ vantungmi tua numei kiangah kilangin ama kiangah, “En in, na tasel a, ta na nei kei hi. Ahi zongin tu-in gai-in tapa khat na nei ding hi.

1 SAMUEL MASA 1:20

A hun ciangin Hannah gai-in tapa khat nei a, a min Samuel a phuak hi. Bang hang hiam cih leh amah in, “Topaʼ tung panin amah ka nget ahi hi,” a ci hi.