Marka 3:3 - Tedim Bible Revision 2017

³ Jesu in khut zaw mipa kiangah, “Hih a mai lamah hong ding in,” a ci hi.

Tedim Bible

³ Zeisu in, “A lai zangah ding in,” ci-in khut sipa kiangah a cih khit ciangin,

Marka 3:3 Iomraidhean Croise

Isaiah 42:4

Amah in leitungah thutang thu a phuh khit matengin lungsi lo, lungkia lo ding hi. Tuipi gei-a om gamte in ama thu ngak uh hi.

Daniel 6:10

Tua bang thupiakna lai kihawm khia khinzo ta hi, ci-in Daniel in a theih ciangin a inn ah a ciah hi. A inn dawl tungnung ah Jerusalem lam a nga tawlet thum a om hi. Tua laitak ah tawlet hon sa-in a hih ngei bangin khukdinin ni khatin thum vei ta Pasian kiangah thu a ngen hi.

Mattiu 12:10

Tua lai ah a khut lang khat a zaw mi khat a na om hi. Jesu gamta khial hi, ci-in a mawhna a zong nuam mi pawl khat tua lai ah om uh ahih manin tua mite in Jesu kiangah, “Sabbath ni-in cina damsak ding a kilawm mah ahi hiam?” ci-in a dong uh hi.

Marka 3:2

Jesu gamta khial hi, ci-in a mawhsak nuam mi pawl khat tua lai ah om uh a, Sabbath ni-in hih mipa a damsak kha hiam, ci-in vil gige uh hi.

Marka 3:4

Tua ciangin mite kiangah, “Sabbath ni-in bang i hih ding i Thukham in hong deih ahi hiam? Huh ding maw, gimsak ding; mi khat a nuntakna hot ding maw, thah ding; koi hong deih zaw ahi hiam?” ci-in a dong hi. Ahih hangin kuamah in dawng lo hi.

Luka 6:8

Ahi zongin Jesu in amauʼ ngaihsutna thei ahih manin a khut zaw mipa kiangah, “Ding inla, mihonte mai hih lai munah hong pai in,” a ci hi. A mipa zong hong pai-in mihon mai ah a hong ding hi.

Johan 9:4

Sun khuavak lai teng kei hong sawl paʼ na i sem ding hi. Kuamah in na a sep theih loh zan hun zong hong tung ding hi.

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Filippi 1:14

Tua banah keima thongkiatna hangin hih lai-a om Khristiante a tam zaw in Topa muanna-in nei uh a, lau het loin Pasianʼ thu gen ngamna-in nei zaw uh hi.

1 PETER MASA 4:1

Khris in ama pumpi-in thuak ahih manin note in zong tua bang lungsim mah nei-in na kithakhauhsak ding uh ahi hi. Bang hang hiam cih leh pumpi-in a thuak mite peuhmah, mawhna tawh kisawh kha nawn lo uh hi.