Marka 1:8 - Tedim Bible Revision 2017

⁸ Keimah in tui sungah note kong phum a, amah in Kha Siangtho sungah note hong phum ding hi,” a ci hi.

Tedim Bible

⁸ Keimah in note tui sungah kong baptaiz hi. Amah in Kha Siangtho sungah note hong baptaiz ding hi,” ci-in a gen hi.

Marka 1:8 Iomraidhean Croise

Paunak 1:23

Kong thuhilhna hong ngai un; ka ngaihsutna kong gen dinga, ka theihna kong zasak ding hi.

Isaiah 32:15

Ahi zongin Pasian in ama kha hong puak ding hi. Leitang siate leihoih suakkik dinga, lo-a ante hoih mahmah in tulak bang ding hi.

Isaiah 44:3

“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Joel 2:28

“Tua khit ciangin mi khempeuh tungah ka kha ka sung dinga, na puteekte un mang manin na tangvalte un maang mu ding uh hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Marka 1:7

Amah in mite tungah thu hilh a, “Ka nungah hong pai ding pa pen kei sangin nakpi takin lian zaw a, kunin a khedap khau a sutsak ding nangawnin ka kilawm zo kei hi.

Marka 1:9

Tua laitakin Galilee gam sunga om Nazareth khua panin Jesu hong pai a, Jordan Gun sungah Johan in amah a tuiphum hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpi takin a lian zaw khat hong pai lai ding hi. Ama khedap khau a sutsak ding nangawnin kei ka kilawm zo nai kei hi. Amah in Kha Siangtho le mei sungah note hong phum ding hi.

Johan 1:26

Johan in, “Keimah in tui sungah mite a phum lel ka hi hi. Ahi zongin tu mahmah in noteʼ muh ngei loh mipa, noteʼ lak mahah hong om hi.

Johan 1:33

Keimah in amah ka theih nai loh hangin, tui sungah mite a phum dingin kei a hong sawl Pasian in, ‘A tungah Kha hong pai sukin a omna mipa pen Kha Siangtho sungah mite a phum ding pa ahi hi,’ ci-in hong gen khol hi.

Sawltak 1:5

Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong pai khawm Jew mi thu umte in lamdang a sa mahmah uh hi.

Sawltak 2:17

‘Pasian in hih bangin gen hi: Nitawp ni ciangin, mi khempeuh tungah ka Kha ka sung dinga, na tanute uh le na tapate un keima thu taangko ding uh hi; na tangvalte un maang mu ding uh a, na puteekte un mang man ding uh hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuʼ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.