Luka 10:2 - Tedim Bible Revision 2017

² Amaute kiangah, “Anlak ding tam mahmah a, ahi zongin mi tawm bek in anlak na sem uh hi. Tua ahih manin an nei pa in a ante a la dingin mi hong sawl nadingin thu ngen un.

Tedim Bible

² Tuate kiangah thu a piakna in, “Buh at ding tampi om hi. Ahih hangin a at ding mite tawm hi. Tua ahih ciangin buh-at nasem ding hong sawl in ci-in, buh nei Topa kiangah thu na ngen un.

Luka 10:2 Iomraidhean Croise

1 KUMPI MASATE 18:22

Tua ciangin Elijah in mite kiangah, “Kei, kei bekbek, Topaʼ kamsang sung panin ka om lai a, ahih hangin Baal kamsangte mihing za li le sawm nga om hi.

Late 68:11

Topa in thu pia hi: Hih thu a pua mihonte tam mahmah uh a,

Jeremiah 3:15

“‘Ka thu a hong mang makaite kong pia dinga, amaute in pilna le siamna tawh note hong uk ding uh hi.

Zekhariah 11:17

“Kimanna a nei lo tuucingpa, a tuuhonte a nusia pa in gimna ngah tahen! Namsau in a khut ban tan henla, a taklam mit sat kham hen. A khut bei mang henla, a taklam mit tawcip hen!” hong ci hi.

Zekhariah 11:5

Tuu neite in a tuute go uh a, ahi zongin amaute gim kipia lo hi. Amaute in a tuu sa zuak uh a, ‘Topa in thupha ngah tahen. Tu-in i hau ta hi,’ ci uh hi. A tuucingte mahmah in a tuute uh hehpihna nei lo uh hi.

Gamlak-vakna 11:17

Keimah hong pai sukin tua munah nang tawh i kiho dinga, keimah in nangʼ sunga om kha pawl khat la-in amauteʼ sungah ka guang ding hi. Nang guak in na puak loh nadingin amaute in miteʼ tavuan hong puak pih ding uh hi.

Gamlak-vakna 11:29

Ahih hangin Moses in ama kiangah, “Keima tangin hong hazatsak na hi hiam? Topaʼ mi khempeuh kamsang hi henla, Topa in amauʼ sungah ama Kha guan leh ka cih laitak hi,” a ci hi.

Mattiu 20:1

“Bang hang hiam cih leh vantung ki-ukna sung om zia pen a leenggah lo ah na a sem ding a cial dingin zing tungin a kuan khia leenggah lo nei pa tawh kibang hi.

Marka 13:34

Mi khat khualzin dingin paikhia a, a dinkhiat ding ciangin amauʼ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

Marka 16:15

Tua khit ciangin amaute tungah, “Leitung khempeuh ah note pai kawikawi unla, mi khempeuh tungah Lungdamna Thu na hilh ta un.

Marka 16:20

Nungzuite zong mun khempeuh ah pai-in thu a hilh uh hi. Topa in zong amauteʼ nasep seppih a, a thuhilhnate uh man hi, ci-in a lahna-in amaute tungah vangliatna limte a pia hi.)

Luka 9:1

Tua ciangin Jesu in nungzui sawm le nihte sam a, dawite a hawlkhiat theih nading uh le cinate a damsak theih nadingun vangliatna le aana a pia hi.

Sawltak 11:19

Stefen a kithah huna bawlsiatna hangin thu um mite tampi kithehthang uh hi. Mi pawl khatte Foenisia gam, Saipras gam le Antiok khua ciang dong tung uh a, Jew mite kiang bekah Pasianʼ thu a hilh uh hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sap sa ahih manin kei adingin Barnabas le Saul hong pia khia un,” a ci hi.

Sawltak 13:4

Kha Siangthoʼ sawlna mah bangin Seleusia khua ah pai suk uh a, tua khua panin teembaw tuangin Saipras tuikulh ah a pai uh hi.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Sawltak 22:21

Tua ciangin Topa in kei kiangah, ‘Gentail mite omna gamlapi ah hong sawl ding ka hih manin pai peuh in,’ hong ci hi,” a ci hi.

Sawltak 8:4

Tua bangin a kithehthang mite pai kawikawi-in thu a hilh uh hi.

1 KORIN MASA 12:28

Tua ahih manin Pasian in pawlpi sungah mi khempeuh ama panmun ciat dingah a hong bulh hi. A masa-in sawltakte, a nihna ah kamsangte, a thumna ah laihilhte, tua ciangin nalamdang bawl theite, cina damsak theite, midang a huh theite, thu vaihawm a siamte le pau lamdang a pau theite ahi uh hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

Filippi 2:21

A dangte in ahihleh Jesu Khris thu kin loin, amauʼ aituam vai bek lunghimawh uh hi.

Filippi 2:25

Note in kamtai ding le keimah hong huh dingin na hong sawl uh, kei tawh na sem khawmin gal hong sim pih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

Kolose 1:29

Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

1 THESALONIKA MASA 2:9

Sanggamte aw, ka nasep ka silbawlnate khempeuh uh note in na thei uh hi. Pasian kiang panin a hong pai Lungdamna Thu note kiangah ka hong hilhna hangun note in them khat beek na gim lawh khak loh nadingun a sun a zanin nakpi takin na ka sem uh hi.

1 THESALONIKA MASA 5:12

Sanggamte aw, Topa in note lam a hong lak ding le a hong makai dingin a seh, note lakah na a hong sem mite, a kilawm a kituakin zahtak bawl un.

2 THESALONIKA NIHNA 3:1

Sanggamte aw, tu-in note lak mah bangin mun dangah zong Topaʼ thu manlang takin kizel pakin lungdam takin a kisan theih nadingin kote ading thu hong ngetsak un.

1 TIMOTI MASA 4:10

A diakdiakin ei thu umte in mi khempeuh a Hon khia, a nungta Pasian muangin lamen ihih manin nakpi takin hanciamin na a sem ihi hi.

2 TIMOTI NIHNA 4:5

Ahi zongin nang na hih leh thu khempeuh ah na lungsim ki-ukin haksatnate na thuak inla, Pasianʼ thugen nasep semin, na nasepna ah maa na tun in.

Filemon 1:1

Khris Jesu hangin thong a kia keimah Paul le i sanggampa Timoti in, Ka hong it uh, ka nasep pih uh ahi Filemon,

Hebru 3:6

Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Mangmuhna 2:1

“Efesa khua-a pawlpi vantungmi kiangah lai gelh inla, a taklam khut ah aksi sagih tawi-in, kham kibawl meivakna lakah a pai kawikawi Jesuʼ thugenna hih bang ahi hi: